**Կրակոցներ Գյումրիում. մեկը վիրավորվել է, քրեական գործ է հարուցվել**

Հունիսի 19-ի գիշերը Գյումրիում կրակոցներ են հնչել, որի հետևանքով մեկ մարդ վիրավորվել է։ Իրավապահ մարմինները դեպքի վայրում ստուգումներ են կատարում։

Ինչպես հայտնում է ֆոտոլրագրող Գագիկ Շամշյանը, դեպքի վայր ժամանել են Շիրակի մարզային քրեական վարչության պետ Արսեն Ոսկանյանը և նրա տեղակալ Արթուր Ֆիշյանը։

Օպերատիվ տվյալներով՝ վեճ է տեղի ունեցել Հաղթանակի պողոտայում գտնվող «Գյումրի» հացատան դիմաց։ Վեճի ժամանակ մասնակիցներից մեկը հրազեն է օգտագործել, արձակել մի քանի կրակոց։ Նախնական տեղեկություններով՝ մեկ մարդ վիրավորվել է կրակոցից, երկուսն էլ՝ ծեծկռտուքի հետևանքով։

Շիրակի մարզի քրեական ոստիկանությունը ստուգել է տեղի բժշկական հաստատությունները և պարզել, որ վիրավորներին հիվանդանոց չեն տեղափոխել։ Սակայն մեկ այլ տեղեկությամբ՝ վիրավորները բուժում են ստանում տանը։

Քրեական վարչությունում դեպքի փաստով փաստաթղթեր են կազմվում։ Ոստիկանությունն արդեն հայտնաբերել է կրակոցներ արձակած անձին, որը նախկինում ներգրավված է եղել քրեական այլ դեպքերում։

Նախաքննության շահերից ելնելով՝ որոշ մանրամասներ չեն հրապարակվում։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի օրինական ուժի մեջ մտած դատավճռով։