Եվրամիությունը հեռացրել է Վրաստանին ԵՄ կողմից աջակցվող անվտանգության և կազմակերպված հանցավորության հարցերին նվիրված տարածաշրջանային ծրագրերից: Այս մասին հաղորդվել է Վրաստանում ԵՄ դեսպան Պավել Գերչինսկու՝ երկրի արտաքին գործերի նախարարությանը հասցեագրված նամակում, որը ներկայացրել է «Ռուսթավի 2» հեռուստաալիքը:

«Վրաստանում արտակարգ իրավիճակների պատճառով և Եվրախորհրդի 2024 թվականի հունիսի 27-ի որոշման համաձայն, որի արդյունքում փաստացի դադարեցվել է ԵՄ-ին Վրաստանի անդամակցության գործընթացը, ցանկանում եմ հայտարարալ, որ կասեցվել է Վրաստանի մասնակցությունը ԵՄ-ի կողմից ֆինանսավորվող անվտանգության և կազմակերպված հանցավորության վերաբերյալ հետագա տարածաշրջանային ծրագրերին», — ասված է Վրաստանի արտաքին գործերի նախարարի առաջին տեղակալ Գեորգի Զուրաբիշվիլուն գործադրված նամակում:

Նամակում Գերչինսկին պարզաբանել է, որ խոսքը վերաբերում է երեք ծրագրի՝ Արեւելյան գործընկերության շրջանակում կազմակերպված հանցավորության դեմ պայքարի՝ Եվրոպոլի օգնությամբ, կազմակերպված հանցավորության դեմ պայքարում համագործակցության (TOPCOP II) և ԵՄ թմրանյութերի մոնիթորինգի ծրագրի (EU4MD II): Վրաստանի դուրս մնալը ծրագրերից ուժի մեջ է մտել հոկտեմբերի 15-ից՝ ներառյալ Վրաստանի ներքին գործերի և արդարադատության նախարարությունների ներկայացուցիչներին: