ՀՀ կրթության, գիտության, մշակույթի և սպորտի նախարար Ժաննա Անդրեասյանը Ստրասբուրգի ընթացող Եվրոպայի խորհրդի Ժողովրդավարության համաշխարհային ֆորումի շրջանակներում մասնակցել է «Ինչպե՞ս կարող են մշակույթը և մշակութային քաղաքականությունն ամրապնդել ժողովրդավարությունը» թեմայով քննարկմանը։ Այս մասին տեղեկանում ենք ԿԳՄՍՆ-ից։

Նախարարը ներկայացրել է Հայաստանի փորձն՝ ուղղված ժողովրդավարական արժեքների խթանմանը, հասարակության ներգրավվածության եւ մշակութային բազմազանության պահպանմանը՝ ընդգծելով կրթության դերը մշակույթի միջոցով ժողովրդավարության զարգացման հարցում։ Անդրեասյանը նշել է, որ կրթությունն այս գործընթացի առանցքային գործիքն է, ինչը բարեփոխումների կարևորության հետ է կապված։

«Մշակույթը հեղափոխությունների շարժիչ ուժն է։ Թավշյա՝ սիրո և համերաշխության հեղափոխությունը, ընդգծեց արժեքների ամրությունը։ Մեր նպատակը խաղաղությունն է, որի արմատը մշակույթում է։ Մշակույթը պետք է միավորի և դառնա կամուրջ դեպի խաղաղ ապագա»,– ասաց նա, ընդգծելով, որ մշակութային քաղաքականությունն է ձևավորում հասարակության արժեքային համակարգը և ժողովրդավարական մտածողությունը։ Նա ընդգծեց, որ միջոլորտային մոտեցումը արդարացված է և ձևավորել է արդյունավետ թիմ՝ դեպի ընդհանուր նպատակներ։ Կրթական բարեփոխումների շրջանակում գերճշգրտորեն իրականացվում են նաև մշակութային կրթության բարեփոխումներ։

Նա նշեց, որ ներդրվել է հանրակրթության պետական նոր չափորոշիչը՝ ուսումնական ծրագրի գաղափարական վերափոխումներով՝ անցնելով գիտելիքահեն ուսուցումից կարողունակահեն ուսուցման։ Ժամանակակից հասարակության մարտահրավերներից է՝ երեխաների և երիտասարդների մասնագիտական և անձնական կյանքի հմտությունների ապահովումը։ Կարևոր է քննադատական մտածողությունը, մեդիա գրագիտությունը, ստեղծարարությունը և արժեքային ընկալումները, որոնք կրթական հիմքն են։

Անդրեասյանը նաև նշեց գենդերային զգայունությանը, որի բարեփոխումներն իրականացվել են Եվրոպայի խորհրդի աջակցությամբ։ «ԵԽ-ի աջակցությունը մեծապես նպաստել է կրթական ծրագրերի և դասագրքերի գենդերային բաղադրիչների կատարելագործմանը։ Գենդերային հավասարության, սոցիալական արդարության մասին անհրաժեշտ է շարունակական քաղաքականություն և ռազմավարական մտածողություն՝ հստակ տեսլականի ուղղությամբ»,- ասաց նա։ Հայաստանի կառավարությունում նախարարների շուրջ մեկ երրորդը կին է՝ հմուտ և հաջողակ։ Ազգային ժողովում կանանց ներկայացվածությունն արդեն անցնում է 36 տոկոսը։

Նա անդրադարձավ ՀՀ-ում երիտասարդական քաղաքականությանը՝ նշելով, որ դրանց հիմքում է երիտասարդների զարգացման և ներուժի ինքնաիրացման համար նպաստավոր պայմաններ ստեղծելը։ Մասնավոր համագործակցությամբ հիմնվում են երիտասարդական կենտրոններ ՀՀ մարզերում։ Անդրեասյանը շեշտեց՝ մշակույթն ու ժողովրդավարությունը փոխկապակցված են։ «Երբ ասում ենք «մշակույթը ժողովրդավարության համար» կամ «ժողովրդավարությունը մշակույթի համար», հասկանում ենք հասարակության ստեղծագործական ներուժը։ Եթե մենք ստեղծենք ազատ արտահայտման միջավայր, ստեղծագործելու և ինքնադրսևորվելու հնարավորություններ, ապա փոփոխություններն անխուսափելի կլինեն։ Ստեղծագործականությունն ու նորարարությունն են առաջ մղում հասարակությունները»։

Քննարկմանը մասնակցել են նաև այլ երկրների պաշտոնյաներ։ Հանդիպումից առաջ ԿԳՄՍ նախարար Ժաննա Անդրեասյանը հանդես է եկել ելույթով։