Իսպանայի հանրային առողջապահության փորձագետ Դավիդ Սեսպեդեսը զգուշացրել է ելակի մեջ առկա թունաքիմիկատների բարձր միջինացման վերաբերյալ: Սեսպեդեսի կարծիքով, ելակը կարող է ավելի շատ քիմիական նյութեր կուտակել, քան մյուս միրգերը և բանջարեղենները: Փորձագետը Mirror-ին տված իր հարցազրույցում ներկայացրել է իր մտահոգությունները:

Թունաքիմիկատները նախատեսված են վնասակար օրգանիզմների, մասնավորապես միջատների, մոլախոտերի և սնկերի դեմ պայքարելու համար: Դրանք հաճախ օգտագործվում են կենդանիների և մարդկանց պոտենցիալ վտանգ ներկայացնող մակաբույծներին և հիվանդություններին կանխելու նպատակով: Այդուհանդերձ, որոշ քիմիկատներ կարող են առաջացնել սուր թունավորումներ կամ հանգեցնել խրոնիկական հիվանդությունների:

Սեսպեդեսը նշում է, որ շատերը սխալմամբ կարծում են, թե ելակը ջրի տակ լվանալը բավական է թունավոր նյութերը հեռացնելու համար:

«Ամենատարածված սխալը ելակը մի քանի վայրկյանով պարզապես ծորակի ջրի տակ լվանալն է և հետո խոնավ վիճակում սառնարանում պահելը: Այդ մեթոդը ոչ միայն չի հեռացնում մնացորդային քիմիկատները, այլև նպաստում է հատապտուղների արագ փչացմանը»,- ասել է Սեսպեդեսը:

Խորհուրդ է տրվում քիմիական նյութերի ազդեցությունն իջեցնելու համար ելակը 10 րոպե թողնել աղաջրում կամ 3%-անոց քացախաջրում: Հետո լավ չորացնել և պահել ճիշտ օդափոխվող տարայում: Սեսպեդեսը զգուշացնում է, որ նույնիսկ փոքր քանակությամբ թունաքիմիկատները կարող են վնաս տալ, հատկապես երեխաների և թույլ իմունային համակարգ ունեցող մարդկանց: