Պաղեստինյան ՀԱՄԱՍ շարժումը հայտարարել է, որ չորեքշաբթի օրը Գազայի հատվածում գտնված իսրայելցի պատանդի աճյունը կհանձնի Կարմիր Խաչի միջազգային կոմիտեին (ԿԽՄԿ): Այս մասին հայտնում են շարժման ռազմական թևի՝ «Իզեդին ալ-Քասամի բրիգադների» հայտարարությունից:

Հայտարարության մեջ նշվում է. «[Իսրայելցի պատանդներին պաղեստինցի գերիների հետ] փոխանակման համաձայնագրի շրջանակում որոշում ենք կայացրել այսօր Շուջայա շրջանում հայտնաբերված պատանդի աճյունը հանձնել [բժշկական] անձնակազմին»: Գազայում գործող Կարմիր Խաչի անձնակազմը ակնկալում է աճյունը ստանPlusձնել «տեղական ժամանակով մոտավորապես ժամը 21:00-ին»:

Հոկտեմբերի 9-ին Իսրայելը և ՀԱՄԱՍ-ը, Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնության հասան իրականացնել ԱՄՆ նախագահ Դոնալդ Թրամփի ներկայացրած խաղաղության ծրագրի առաջին փուլը։ Այս ծրագրի համաձայն՝ Գազայի հատվածում հրադադարը ուժի մեջ մտավ հոկտեմբերի 10-ին։

Հոկտեմբերի 13-ին ՀԱՄԱՍ-ն ազատ արձակեց 20 իսրայելցի պատանդների, իսկ չորս մահացածների աճյունները հանձնեց իսրայելական կողմին։ Սակայն Իսրայելի իշխանությունները դժգոհություն հայտնեցին՝ ասելով, որ արմատականները 28 մարմիններից միայն չորսը վերադարձրել են։ Հաջորդ օրերին ՀԱՄԱՍ-ը շարունակեց վերադարձնել նաեւ այլ պատանդների մարմիններ։ Մինչ օրս Գազայի արմատականները վերադարձրել են 21 սպանված պատանդների աճյուններ։ Նոյեմբերի 5-ի դրությամբ նրանք դեռ պահում են յոթ առևանգված պատանդների մարմինները։