Հունգարիայի վարչապետ Վիկտոր Օրբանն մեղադրում է Լեհաստանի վարչապետ Դոնալդ Տուսկին՝ իր երկրի դեմ «նոր գրոհ» կազմակերպելու մեջ։

«Դա տեղի է ունենում, քանի որ Տուսկը լուրջ խնդիրներ ունի իր երկրում։ Նրա կուսակցությունը նախագահական ընտրություններում չի հաղթել, կառավարությունը անկայուն է, և նա հանրային կարծիքի հարցումներում հետ է մնում։ Մանֆրեդ Վեբերի հետ միասին նա դարձել է Եվրոպայում պատերազմի խոշորագույն հրահրիչներից մեկը, բայց Ուկրաինայում նրա ռազմական քաղաքականությունը չի հաջողվում։ Եվրոպական ֆինանսավորումն Ուկրաինայի համար սպառվում է, իսկ լեհ հասարակությունը հոգնել է պատերազմից»,- նշել է Օրբանը Х հարթակում։

Օրբանի խոսքով՝ Տուսկը «չի կարող վերահսկել իր գործողությունները, քանի որ Լեհաստանը վերածել է Բրյուսելի հպատակ։»

«Նա խուճապի մեջ է, հարձակվում է քաղաքական մրցակիցների վրա և քննադատում Հունգարիայի խաղաղ քաղաքականությունը՝ շեղելով իր երկրում առկա խնդիրներից։ Սա շատ ցավալի է։ Հունգարիայի և Լեհաստանի պատմական բարեկամությունը արժանի է ավելի բարձր հարգանքի։ Չեմ կարող և չեմ աջակցում Տուսկի ռազմաճակատային դիրքորոշմանը։ Հունգարիան ընտրում է խաղաղության ուղին։ Հունգարացիները չեն դառնա Բրյուսելի հպատակները։ Պարոն Տուսկին ժամանակն է ընդունել դա և զբաղվել իր խնդիրներով»,- ընդգծել է Օրբանը։