Շիրակի մարզպետի խորհրդական Գոռ Սարոյանի մասնակցությամբ տեղի ունեցած միջադեպի մասին նոր մանրամասներ են հայտնի դարձել։ Միջադեպը տեղի է ունեցել գիշերվա ժամը 1-ի սահմաններում։ Այն սկսվել է այն պատճառով, որ մոտ 10 օր առաջ պարեկը կանգնեցրել էր «Ջիփ» մակնիշի ավտոմեքենա, որը պատկանում էր Գոռ Սարոյանի աներոջը։ Ավտոմեքենայի ղեկին եղել է նրա անչափահաս երեխան, իսկ Գոռ Սարոյանը նույնպես գտնվել է մեքենայում։ Պարեկը մեքենան տեղափոխել էր հատուկ պահպանվող տարածք։

Ըստ աղբյուրների, Գոռ Սարոյանն իր ոստիկան սանիկի՝ Արտյոմ Հովհաննիսյանի հետ, օրեր անց ոչ սթափ վիճակում այցելել է ոստիկանության Կումայրի բաժնի առանձին մասնաճյուղում գտնվող պարեկային ծառայություն՝ վրեժխնդիր լինելու համար։ Ոստիկանության շենքում տեղակայված տեսախցիկները ֆիքսել են միջադեպը։ Ներքին գործերի նախարար Արփինե Սարգսյանը աշխատակցի՝ Գոռ Սարոյանի ոստիկան սանիկին անմիջապես հեռացրել է աշխատանքից։

Պարեկը ստացել է մարմնական վնասվածքներ, ինչը հիմք է հանդիսացել, որ քրեական ոստիկանին ոչ միայն հեռացնեն աշխատանքից, այլ նրա արարքի համար դիմեն Գլխավոր դատախազություն։ Արտյոմ Հովհաննիսյանի վարած «Նիվա» մակնիշի պետական մեքենան, որը գտնվել է ոստիկանության հաշվեկշռում, տեղափոխվել է հատուկ պահման վայր։