Հայաստանի վարչապետի աշխատակազմի ղեկավար Արայիկ Հարությունյանը նշել է, որ Հայաստանի Անկախության հռչակագրում տեսնում է որոշ խնդիրներ։ Այս մասին նա հայտնեց հոկտեմբերի 29-ին ԱԺ–ում լրագրողների հետ չապազրույցի ընթացքում:

«Կարծում եմ, որ Անկախության հռչակագրում առկա են որոշակի խնդիրներ»,- ասաց Հարությունյանը:

Պատասխանելով հարցին, թե արդյոք համաձայն է վարչապետ Նիկոլ Փաշինյանի կարծիքին այն մասին, որ Անկախության հռչակագրի բովանդակությունը ենթադրում է, որ Հայաստանի Հանրապետություն չի կարող գոյություն ունենալ, Հարությունյանը հաստատական պատասխան տվեց:

Նիկոլ Փաշինյանը 2024 թվականի նոյեմբերին հայտարարել էր, որ եկել է եզրակացության, որ Հայաստանի Անկախության հռչակագրի բովանդակությունն այն է, որ Հայաստանի Հանրապետություն չի կարող գոյություն ունենալ:

«Վերջին տարիներին հաճախակի եմ կարդացել մեր Անկախության հռչակագիրը, և եկել եմ այն սարսափելի եզրակացության, որ այդ հռչակագրի բովանդակությունը ցույց է տալիս, որ Հայաստանի Հանրապետություն չի կարողանալ գոյություն ունենալ: Սա մեր ամենամեծ խնդիրն ու ողբերգությունն է: Եվ կարևորը՝ թե ո՞վ է իրական Հայաստանի քաղաքացի, այն մարդն է, ով այլ երկրում հայրենիք ու պետություն չի փնտրում, որովհետև ըստ նրա՝ ինքը գտել է իր հայրենիքը՝ Հայաստանի Հանրապետությունը»,- ասել էր Փաշինյանը։