ՆԳՆ շարժական սպասարկման գրասենյակները այսուհետ կծառայեն Սյունիքի և Վայոց Ձորի մարզերի բնակիչներին։ Այս մասին հաղորդում են ՆԳՆ-ից։

«ՆԳՆ սպասարկման գրասենյակները շարունակում են իրականացրել շրջիկ սպասարկում՝ տրամադրելով և՛ միգրացիայի և քաղաքացիության ծառայությունների, և՛ հաշվառման-քննական բաժինների օգնությունները։

Ըստ ՆԳ նախարարի հրամանի՝ հոկտեմբերի 30-ին և 31-ին ծառայություններ կտրամադրվեն հետևյալ ժամերին՝ 30․10․2025-ին, ժամը 13։00-17:00-ն Սյունիքի մարզի Քաջարան համայնքում՝ համայնքապետարանի մոտ, ժամը 11:00-16:00-ն Վայոց Ձորի մարզի Վայքի համայնքում՝ համայնքապետարանի մոտ, իսկ 31․10․2025-ին, ժամը 10։00-14:00-ն Սյունիքի մարզի Գորայք համայնքում՝ համայնքապետարանի մոտ։

Շրջիկ սպասարկման միջոցով քաղաքացիները կարող են փոխանակել անձնագրեր, ստանալ ժամանակավոր պաշտպանության վկայականներ, տեղեկանքներ, իսկ տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։

Վարորդական իրավունքի և սեփականության վկայականների, հաշվառման վկայագրերի փոխանակման կամ կորստի դեպքում քաղաքացիները կարող են մոտենալ շրջիկ գրասենյակին՝ նոր փաստաթղթեր ստանալու կամ հաշվառման-քննական բաժինների առաջարկած այլ ծառայություններից օգտվելու համար։

Հոկտեմբերի 30-ին շրջիկ սպասարկման գրասենյակները կլինեն նաև Կոտայքի մարզի Չարենցավանի և Արմավիրի մարզի Արագածի համայնքներում՝ հոկտեմբերի 23-ին ստացված դիմումների շրջանակներում փաստաթղթերի հանձնման նպատակով»,- նշված է հաղորդագրության մեջ։