«Մելիսա» փոթորիկը և դրա հետևանքով առաջացած հորդառատ անձրևներն ու ջրհեղեղները վտանգ են Կարիբյան տարածաշրջանում ապրող առնվազն 1,6 միլիոն երեխայի կյանքին ու առողջությանը։ Այս մասին նախազգուշացնում է ՄԱԿ-ի Մանկական հիմնադրամբ՝ ՅՈՒՆԻՍԵՖ-ը։

ՅՈՒՆԻՍԵՖ-ը նշում է, որ «Մելիսա» փոթորիկը կարող է խաթարել հիմնական ծառայությունների մատչելիությունը։ Սա հատկապես վերաբերում է Կարիբյան ավազանի այն երկրագիհներին, որոնք ունեն խոցելի ափամերձ տարածքներ, ինչպես Ճամայկան, Հաիթին, Կուբան և Դոմինիկյան Հանրապետությունը։ Հիմնադրամի գնահատմամբ՝ «քամիները, հորդառատ անձրևներն ու հանկարծակի ջրհեղեղները վտանգ են առնվազն 1,6 միլիոն երեխայի համար»։ Հիմնադրամը և նրա գործընկերները նախապես պատրաստել են կենսականորեն անհրաժեշտ պարագաների պաշարներ և պատրաստ են ուժեղացնել աջակցությունը տուժած տարածքների ընտանիքներին։

ՅՈՒՆԻՍԵՖ-ը հիշեցնում է, որ վերջին 10 տարիների ընթացքում Լատինական Ամերիկայում և Կարիբյան ավազանում մոտ 11 միլիոն մարդ, ներառյալ գրեթե 4 միլիոն երեխա, տարերային և մարդածին աղետներից վնաս են կրել տարին։ ՄԱԿ-ի Մանկական հիմնադրամը աջակցում է արտակարգ իրավիճակներին պատրաստվածության ջանքերն իր ազգային և միջազգային գործընկերների հետ, ներառյալ հիգիենայի միջոցների, ջրի մաքրիչների և բժշկական պարագաների նախապես պահեստավորումը։

ԱՄՆ Փոթորիկների դիտարկման ազգային կենտրոնի տվյալներով՝ Ատլանտյան օվկիանոսում ձևավորված փոթորիկը հասել է Սաֆիր-Սիմփսոնի սանդղակի հինգերորդ կատեգորիային, շարժվելով դեպի արևմուտք 6 կմ/ժ արագությամբ։ Քամու առավելագույն արագությունը փոթորկում հասնում է 72,2 մ/վ-ի։

Առավել վաղ տեղեկացվել էր, որ «Մելիսա» փոթորկի մոտենալու պատճառով տարհանում է իրականացվում Ճամայկայում, ներառյալ մայրաքաղաքի շրջանում, ինչպես նաև Կուբայի արևելքում։