Սամվել Կարապետյանը այսօր ուղերձ հղեց ԱԱԾ մեկուսարանից:

«Հարգելի հայրենակիցներ,

Երեկվա և վերջին շրջանում տեղի ունեցած իրադարձությունները ապացուցեցին իմ ամենախորը մտահոգությունները:

Փոքր խմբակը ցույց տվեց, որ պատրաստ է անտեսել ամեն անձեռնմխելի արժեքի համար: Իշխանության պահպանման նպատակով, այդ անձինք իրականացրին ավելի վաղ չտեսնված արարքներ՝ փորձելով խառնվել Հայ Առաքելական Եկեղեցու կարգին՝ խառնաշփոթ առաջացնելով Սուրբ պատարագում։ Այս քայլով իշխանություններն ավելացրին ազգային պառակտումը՝ արժանանալով հանրության զայրույթին և դատապարտմանը։

Կարելի է վստահ լինել, որ այս փոքր խմբակը կանգ չի առնելու՝ մեր Մայր Աթոռին նոր հարվածներ հասցնելու համար։ Սակայն նրանք պետք է իմանան, որ մենք շարունակելու ենք պաշտպանել մեր արժեքներն ու սրբությունները, ինչպես արել ենք դարերի ընթացքում։ Ոչ մի զրկանք չի կանգնեցնի մեր շարժումը դեպի հաղթանակ։ Եւ ոչ մի բանտարկություն չի կոտրի այսօրվա բազմաթիվ քաղբանտարկյալների՝ Միքայել, Բագրատ և Մկրտիչ Սրբազանների, տասնյակ գյումրեցիների, այդ թվում՝ «Մեր Ձևով» շարժման ներկայացուցիչ Ռուբեն Մխիթարյանի, և մեր այլ ընկերների կամքը՝ ապրելու ազատ և արժանապատիվ Հայաստանում, որը ղեկավարվում է իրական քրիստոնեական արժեքներով:

Անելիքներս շարունակելու ենք՝ «Մեր ձևով»։