Գվատեմալայի Լա Կորոնա հին քաղաքում հնագետները հայտնաբերել են հազվագյուտ հիերոգլիֆներ, որոնք ավելի քան 1 400 տարվա պատմություն ունեն։ Դրանց մեջ բացահայտվել է մայաների թագուհի Լեդի Իշ Կ՛աբելի անունը, ով նշանակալի դեր է խաղացել իր ժամակաշրջանի քաղաքական դաշինքներում, ինչպես տեղեկացնում է The Yucatan Times-ը։

Քարե սալի վրա փորագրված արձանագրությունները երկար ժամանակ կորած պատմական նյութերի մաս են կազմել։ Թաֆթսի համալսարանի եւ Գվատեմալայի մարդաբանության եւ պատմության ինստիտուտի հետազոտողները նշել են, որ այս թագուհու անվան հիշատակումը վկայում է նրա ազդեցության եւ բարձր կարգավիճակի մասին. տեքստում նա հիշատակված է որպես kaloomte’, որը թարգմանվում է որպես «գերագույն տիրուհի»։

Հնագետների կարծիքով՝ Իշ Կ՛աբելը հավանաբար կանգնած է եղել մայաների հզոր քաղաքների միջեւ դինաստիական ամուսնությունների ամրապնդման գործընթացի հետեւում, իսկ հայտնաբերված հիերոգլիֆները տարածաշրջանի հասարակական եւ քաղաքական կյանքի կարեւոր մասն են կազմում 7-րդ դարի ընթացքում։

Այս գտածոն նաեւ լույս է սփռում մայաների հասարակությունում կանանց ունեցած դերի վրա։ Դրանք վկայում են, որ նրանք ոչ միայն մասնակցել են կրոնական ծեսերին, այլեւ կառավարել են ամբողջ քաղաք-պետություններ։