«Գազպրոմ Արմենիա» ընկերությունը հայտնում է, որ հոկտեմբերի 28-ին, ժամը 09։00-ից, մինչև հոկտեմբերի 29-ը, ժամը 21։00-ն, Գեղարքունիքի մարզի մի շարք համայնքներում կդադարեցվի գազամատակարարումը: Այս աշխատանքների նպատակը «Սևան-Գավառ» DN500 տրամագծով մայրուղային գազատարի նորոգումն է:

Գազով ապահովումը ժամանակավորապես կդադարեցվի Գավառ քաղաքի, ինչպես նաև Հացառատ, Արծվաքարթ և այլ հյուսճանային համայնքների՝ Գեղարքունիք, Լանջաղբյուր, Սարուխան, Գանձակ, Կարմիրգյուղ, Ծաղկաշեն, Նորատուս, Այրիվան, Լճափ, Բերդկունք, Ծովազարդ բնակավայրերում։ Նույնը վերաբերում է նաև Մարտունի քաղաքին և հարակից բնակավայրերին՝ Վաղաշեն, Աստղաձոր, Զոլաքար, Ծովինար, Վարդենիկ, Արծվանիստ, Գեղհովիտ, Մադինա, Ներքին Գետաշեն, Վերին Գետաշեն, Լիճք, Ծակքար, Ծովասար, Ձորագյուղ, Վարդաձոր, Երանոս, Լեռնակերտ։

Արհեստական ընդհատումներ կլինեն նաև Վարդենիս քաղաքում և հարակից՝ Խաչաղբյուր, Լուսակունք, Ծովակ, Կարճաղբյուր, Ակունք, Մեծ Մասրիկ, Լճավան, Մաքենիս, Շատջրեք, Սոտք, Վանեվան, Տորֆավան բնակավայրերում։ Հաղորդվում է, որ կայուն գազամատակարարում չի լինի նաև «Այլենդ Ֆրուտ», «Գավառտրանս», «Արմ», «Հայկ և Նորիկ», «Նոր Բագրևանդ», «Մարտ Գազ», «Մակվիչ», «Գոգա-Սեդա» ՍՊԸ-ների և այս բնակավայրերում գործող այլ կազմակերպությունների համար։

«Գազպրոմ Արմենիա»-ն հայցում է գազասպառողների ներողամտությունը և կոչ է անում պահպանել անվտանգության պահանջները: