Գերմանիան «վճռականորեն հավատարիմ» է մնում ԱՄՆ նախագահ Դոնալդ Թրամփի մերձավորարևելյան խաղաղության ծրագրի իրականացմանը՝ այն ընկալելով որպես «եզակի հնարավորություն», կիրակի նշեց Գերմանիայի արտգործնախարար Յոհան Վադեֆուլը իր նախատեսվող Քաթար և Քուվեյթ այցերից առաջ:

«Ամերիկյան ծրագրի արագ իրականացումն ապահովելու համար անհրաժեշտ է դառնում միջազգային համագործակցությունը», — ընդգծեց նա՝ ակնկալելով Իսրայեհի և պաղեստինյան ՀԱՄԱՍ խմբավորման միջև անուղղակի բանակցությունների մեկնարկը։

Վադեֆուլը նշեց, որ Բեռլինը պատրաստ է «կոնկրետ առաջարկություններով» հանդես գալ՝ լինելով «մարդասիրական օգնության, Գազայի կայունացման և վերականգնման գործընկեր»։

«Տարածաշրջանը ընդհանրապես կարիք ունի կայունացման, որը կապահովի ամուր անվտանգություն ողջ տարածաշրջանի համար, քաղաքական հեռանկար պաղեստինցիների համար և, ի վերջո, հարաբերությունների կարգավորում Իսրայելի և մյուս պետությունների միջև», — հավելեց նա։

Ակնկալվում է, որ գրեթե երկու տարի առաջ՝ հոկտեմբերի մահաբեր ահաբեկչական հարձակումներից հետո, Իսրայելի և ՀԱՄԱՍ-ի ներկայացուցիչները կիրակի Կահիրեում կանցկացնեն անուղղակի բանակցություններ՝ Գազայում պատերազմը դադարեցնելու և մնացած իսրայելցի պատանդներին ազատելու ուղղությամբ։ Իսրայելի վարչապետ Բենյամին Նեթանյահուն հայտարարել է, որ հույս ունի, որ պատանդների ազատումը կարող է տեղի ունենալ «առաջիկա օրերին»։