Ներքին գործերի նախարարության սպասարկման գրասենյակները շարունակում են քաղաքացուն մատուցել շրջիկ սպասարկման ծառայություններ՝ ներառելով միգրացիայի եւ քաղաքացիության ծառայության, ինչպես նաև հաշվառման-քննական բաժինների ծառայությունները։ Այս մասին հայտնում է ՆԳՆ-ն:

Ներքին գործերի նախարարի որոշմամբ, սեպտեմբերի 25-ին ընդլայնված ծառայություններ կտրամադրվեն՝

ժամը 10։00-16։00՝

Կոտայքի մարզի Չարենցավանում՝ համայնքապետարանի մոտ,

ժամը 10։00-16։00՝

Կոտայքի մարզի Բյուրեղավանում՝ համայնքապետարանի մոտ։

Շրջիկ սպասարկմամբ քաղաքացիները կարող են փոխել անձնագիր, ստանալ ժամանակավոր պաշտպանության վկայական, ինչպես նաև տեղեկանքներ ստանալ։ Տեղահանված անձինք կարող են տեղում դիմել ՀՀ քաղաքացիության համար։

Վարորդական իրավունքների, սեփականության վկայականների և հաշվառման վկայագրի փոխանակման դեպքում կամ կորստի դեպքում, քաղաքացիները կարող են շրջիկ սպասարկման գրասենյակներին մոտենալ՝ նորը ստանալու նպատակով։ Նրանք կարող են նաև օգտվել հաշվառման-քննական բաժինի տրամադրած այլ ծառայություններից։

Սեպտեմբերի 25-ին շրջիկ սպասարկման գրասենյակները կգտնվեն նաև Գեղարքունիքի մարզի Վարդենիս և Կոտայքի մարզի Նոր Հաճըն համայնքապետարանների մոտ՝ սեպտեմբերի 18-ին ընդունված դիմումների փաստաթղթերի հանձնելու համար: