Պաշտպանե՛ք ձեր առցանց բանկային հաշվի տվյալները: ՀՀ ՆԳՆ Կիբերոստիկանությունը զգուշացնում է՝ ոչ մի դեպքում չտրամադրեք ձեր բանկային հավելվածի մուտքանունը, գաղտնաբառը և SMS հաղորդագրությամբ ստացված բանկային կոդը:

«Եթե ստացել եք զանգ հեռահաղորդակցման հավելվածներով (օրինակ, WhatsApp, Viber)՝ իբրև թե ձեր բանկային հաշիվների անվտանգության ստուգման կամ վարկի ձևակերպման առնչությամբ, որը պահանջում է տրամադրել բանկային կոդը, մի՛ վստահեք դրանք», — նշվում է հայտարարության մեջ:

Այս «աշխատակիցները», իբր ի հայտ եկած խնդիրները լուծելու ուղղությամբ, խնդրում են առաջին հերթին մուտքագրել ձեր առցանց բանկային հաշվի մուտքանունը և գաղտնաբառը, այնուհետև բանկային կոդը՝ ուղղարկված հղումով:

Որդև նրանք կարողանում են մուտք գործել ձեր հաշիվ, այդպիսով փոխելով ձեր գաղտնաբառը և ձեզ զրկում հասանելիությունից՝ ի վերջո հափշտակելով ձեր հաշվի միջոցները կամ ձեր անունով ձևակերպված վարկի գումարը, — շարունակվում է հաղորդագրությունը:

Հիշեք, որ բանկային աշխատակիցները հայերեն են խոսում, երբ զանգահարում են, չեն օգտագործում հավելվածներ և երբևէ հղումներ չեն ուղարկում, ինչպես նաև չեն պահանջում մուտքագրել ձեր մուտքանունը և գաղտնաբառը կամ SMS-ով ստացված բանկային կոդը»,- նշված է հայտարարությունում: