Հնէաբանները նոր գնատոզավր պտերոզավր են նկարագրել՝ այն անվանելով Spathagnathus roeperi: Հայտնագործությունը կատարվել է Գերմանիայի հարավում գտնվող «Զոլնհոֆենի կրաքարում» հայտնաբերված բրածոների հիման վրա: Հետազոտությունը հրապարակվել է PalZ ամսագրում:

Spathagnathus roeperi-ն ապրել է ուշ յուրայի ժամանակաշրջանում՝ մոտ 150 միլիոն տարի առաջ, Զոլնհոֆենի կղզեխմբում: Գիտնականների խումբը, այդ թվում՝ Բավարիայի պերոնտոլոգիայի և երկրաբանության ինստիտուտի, Լյուդվիգ Մաքսիմիլիանի համալսարանի և Բնական պատմության ամերիկյան թանգարանի հնէաբան Ալեքսանդրա Ֆերնանդեսը, նշում են, որ Զոլնհոֆենի կրաքարերն առանձնանում են բրածոների հարուստ պաշարներով:

Վերջին 200 տարիներին այս տարածաշրջանում անցկացված ուսումնասիրությունները բացահայտել են ուշ յուրայի դարաշրջանի մերձարևադարձային ծովային միջավայրի յուրահատուկ կազմ: Նախկինում Թեթիս օվկիանոսի ափին գտնվող այս տարածքը նախնականում եղել է ցածրադիր վայր՝ ծովային խութերով, ինչը բացատրում է այստեղ բարձր բրածոների բազմազանությունը:

Spathagnathus roeperi-ի մնացորդները հայտնաբերվել են Գերմանիայի Ռեգենսբուրգ քաղաքի մոտ՝ Բրունի քարհանքում կատարված պեղումների ընթացքում: Հնէաբանները նշում են, որ այդ վայրը Զոլնհոֆենի հնագույն շերտերից է, և մինչ այժմ այնտեղ հայտնաբերված միակ պտերոզավրն է:

Ֆիլոգենետիկ վերլուծությունը ցույց է տվել, որ նոր հայտնաբերված տեսակը պատկանում է Gnathosaurinae-ին՝ Ctenochasmatidae ընտանիքի ենթախմբին: Այն գենետիկական նմանություններ ունի Ուրուգվայում հայտնաբերված Tacuadactylus luciae պտերոզավրի հետ:

Հետազոտողները նշում են, որ Զոլնհոֆենի կրաքարերում պտերոզավրերի բրածոները հազվադեպ են, մանավանդ գնատոզավրերի դեպքում: Spathagnathus roeperi-ն համարվում է այս խմբի ամենահին ներկայացուցիչը և կարևոր դեր է խաղում ուշ յուրայի դարաշրջանի պտերոզավրերի էվոլյուցիան ուսումնասիրելու գործում:

Այս հայտնագործությունը ընդլայնում է կտենոխազմիդների բազմազանության մասին գիտելիքները և ցույց է տալիս պտերոզավրերի զարգացման վաղ փուլերի կարևորությունը: