Սեպտեմբերի 9-ին ՀՀ արտգործնախարարի տեղակալ Ռոբերտ Աբիսողոմոնյանը մասնակցել է և ելույթ ունեցել Փախստականների համաշխարհային ֆորումում, որը նվիրված էր Հայաստանի ստանձնած կամավոր հանձնառությունների իրագործմանը և հետագա քայլերին: Այս մասին հայտնել է ՀՀ ԱԳՆ:

Պարոն Աբիսողոմոնյանը կարևորել է Հայաստանի և ՄԱԿ Փախստականների հարցերով գերագույն հանձնակատարի գրասենյակի համագործակցությունը: Նա ընդգծել է Հայաստանի հանձնառությունը՝ ուղղված փախստականների խնդիրների լուծմանը:

Իր խոսքում նա նշել է, որ ՀՀ կառավարությունը մշտապես աշխատում է լուծել փախստականների խնդիրները, շեշտելով, որ այժմ առաջնային կարիքների լուծումից զատ զգալի կարևորվում է զարգացման և ինտեգրման քաղաքականությունը: Այս համատեքստում Աղբյուրը կարևորել է միջազգային դոնոր գործընկերների աջակցությունը՝ շարունակականության ապահովման համար:

Քննարկման ընթացքում անդրադարձ է կատարվել Հայաստանի ստանձնած հանձնառությունների ընթացքին և նշվել են 2025-2027 թվականների առաջնահերթ ուղղությունները:

Միջոցառմանը մասնակցել են ՀՀ պետական մարմինների, ՄԱԿ-ի հայաստանյան գործակալությունների, դիվանագիտական և ֆինանսատնտեսական կազմակերպությունների, ինչպես նաև քաղաքացիական հասարակության, մասնավոր և գիտական ոլորտի ներկայացուցիչներ: