Երևանի Սիսակյան փողոցի 20 հասցեի շենքում ստեղծվել է արտակարգ իրավիճակ, որի վտանգավորությունը չի պակասում։ Շենքի հետևի մուտքի առաջին հարկի ընդհանուր միջանցքում բնակարանների հատակը սկսել է փլուզվել և պատերը արդեն խորը ճեղքեր ունեն։ Շենքի բնակիչները նշում են, որ ամեն օր տագնապով ապրում են՝ չգիտեն՝ հաջորդ պահին պատերը կդիմանան, թե չեն դիմանա։ Այս մասին հաղորդել է Shamshyan.com-ը։

Բնակիչները պատմում են. «Մեր տները արդեն անվտանգ չեն կարելի համարել, և մենք կապանքված ենք զգում։ Ընտանիքներում անչափահաս երեխաներ են մեծանում, և նրանք բախվում են ամենօրյա վտանգի։ Տները խոնավ են, կյանքի և առողջության համար անբարենպաստ պայմաններ կան։ Մշտապես ապրում ենք լարվածության մեջ, անընդհատ մտահոգված, թե գիշերը կկարողանանք՞ ապահով արդնանալ, թե պատերն իրենց վրայից մեզ կփլվեն։ Մինչև այժմ չգիտենք՝ ում դիմենք, որպեսզի այդ հարցը լուծվի, ժամկետներն էլ մոտ են, ինչ-որ իրադարձություն չլինի»։

Շենքի բնակիչները հայտնել են, որ դիմել են Մալաթիայի թաղապետարանին և Երևանի քաղաքապետարանին, սակայն չեն ստացել բավարար լուծում։ Երկու կառույցներն էլ նշում են, որ բնակիչները պետք է միայնակ իրականացնեն վերանորոգման աշխատանքները։ Բնակիչները հույս ունեն, որ ՀՀ վարչապետ Նիկոլ Փաշինյանը, տեղեկանալով իրենց ապրելավայրի պայմանների մասին, հանձնարարական կտա համապատասխան կառույցներին, և խնդիրը վերջնական կհանգուցալուծվի։