ԱՄՆ-ի ֆինանսների նախարար Սքոթ Բեսենթը հայտարարեց, որ Վաշինգտոնը պատրաստ է եվրոպական երկրների հետ համագործակցել՝ լրացուցիչ պատժամիջոցներ կիրառելու այն երկրների նկատմամբ, որոնք շարունակում են ռուսական նավթ գնել, նպատակ ունենալով «թուլացնել» Ռուսաստանի տնտեսությունը։ Բեսենթը նաև հերքեց այն կարծիքները, թե ԱՄՆ-ն անցնում է ռեցեսիայի։

«Մենք հանձն ենք առել ուժեղացնել ճնշումը Ռուսաստանի վրա, բայց մեզ անհրաժեշտ է, որ եվրոպացի գործընկերները հետևեն մեզ,— ասաց Բեսենթը NBC News-ի հետ հարցազրույցում։— Այս պահին մենք անցկացնում ենք մի մրցավազք՝ տեսնելու, թե որքան կարող են դիմանալ ուկրաինացի զինվորականները և ինչպե՞ս կտուժի Ռուսաստանի տնտեսությունը։ Եթե ԱՄՆ-ն և ԵՄ-ն կարողանան միջամտել և կիրառել լրացուցիչ պատժամիջոցներ այն երկրների դեմ, որոնք շարունակում են ռուսական նավթ գնել, հնարավոր է Ռուսաստանը ստիպված լինի նստել բանակցությունների սեղանի շուրջ»։

Անցած ամիս Դոնալդ Թրամփի վարչակազմը մաքսատուրքեր սահմանել Հնդկաստանի նկատմամբ, պատճառաբանելով դա ռուսական նավթի գնումներով՝ Ուկրաինայում պատերազմի ընթացքում։

Բեսենթի մեկնաբանությունները հնչել են մի քանի ժամ անց այն բանից հետո, երբ Ռուսաստանը հարվածներ է հասցրել, որոնք համարվում են պատերազմի ընթացքում ամենամեծը։ Զոհվել է առնվազն չորս մարդ, իսկ Կիևում հրդեհվել է կառավարական շենք։