Ֆինլանդիայում ռուսաստանցիների զանգվածային արտաքսումները սկսվել են, որոնք երկիր էին մուտք գործել Ուկրաինայի պատերազմի մեկնարկից հետո: 2025 թվականի հունվարից սեպտեմբեր, Ֆինլանդիայից արտաքսվել է Ռուսաստանի 104 քաղաքացի, որոնք ստացել էին ապաստանի մերժում, հայտնում է Ֆինլանդիայի ոստիկանությունը։

Այս տարվա արտաքսման թվերի աճը պայմանավորված է նրանով, որ երկար ժամանակ ռուսաստանցիների դիմումները չէին քննարկվում, փոխանցում են աղբյուրները։

«Երկու տարի հարցազրույցներ տեղի չէին ունենում։ Նրանց համար չէր պարզ, թե ինչ պետք է անեին մեզ հետ: Միայն 2024 թվականի վերջում սկսվեցին հարցազրույցները»,- նշում է Մաքսիմ Ալիևը, «Կեմի՝ ընդդեմ պատերազմի» կազմակերպության ակտիվիստ և նախկին Նավալնիի շտաբի կամավոր։

Նրա փոխանցմամբ, առաջին հարցազրույցների արդյունքներով, ռուսաստանցիների գրեթե 90 տոկոսը մերժում է ստացել։ Շատերը թույլտվության դեպքում կրկին դիմում են ներկայացրել։

Մերժումների մեծ մասը պայմանավորված է նրանով, որ դիմողները Ռուսաստանից փախել են զորահավաքից խուսափելու նպատակով: Ըստ 2023 թվականի տվյալների, Ֆինլանդիայում ավելի քան 1109 ռուսաստանցի ապաստան է խնդրել՝ պնդելով, որ խուսափել են զինվորական ծառայությունից:

Ֆինլանդիայի իշխանությունների պնդմամբ, Ռուսաստանում մոբիլիզացիան ավարտվել է՝ հիմնվելով պաշտպանության նախարարի և նախագահի հայտարարությունների վրա, սակայն համապատասխան հրամանագիր չի ստորագրվել:

Ֆինլանդիայի միգրացիոն ծառայության ներկայացուցիչ Անու Կարպը նշել է, որ կազմակերպությունը առաջնորդվում է ՄԱԿ-ի Կոնվենցիայով, որտեղ բանակում ծառայելն ինքնին ապաստանի հիմք չէ:

Որոշ ռուսաստանցիներ, ովքեր չեն համաձայնվել կամավոր լքել Ֆինլանդիան, արտաքսվում են հատուկ ուղեկցությամբ: 2025 թվականի ութ ամիսներին այս կերպ արտաքսվել է 18 մարդ, տեղեկացնում է Ֆինլանդիայի ոստիկանությունը։