Բելգիայի արտգործնախարար Մաքսիմ Պրևոնը Euronews-ին տված հարցազրույցում ընդգծել է, որ Իսրայելի դեմ պատժամիջոցների համար համաձայնության բացակայությունն ազդում է Եվրամիության հեղինակության վրա միջազգային ասպարեզում։

ԵՄ-ի նկատմամբ վստահությունը նվազում է՝ կապված Գազայում և Արևմտյան ափին Իսրայելի գործողությունների համար պատժելու անդամ երկրների ունակության բացակայության հետ, նշել է Բելգիայի արտգործնախարարը:

Պրևոնը շեշտել է, որ պատժամիջոցների ձախողման պատճառ հանդիսացող Գերմանիան, Ավստրիան, Հունգարիան, Բուլղարիան և Չեխիան պետք է պահպանեն միջազգային իրավունքը։

«Հասկանում եմ, թե ինչու Գերմանիան չի ցանկանում պատժամիջոցներ կիրառել Իսրայելի նկատմամբ։ Պատմական պատճառներն ակնհայտ են։ Սակայն կարծում եմ, որ բոլոր եվրոպական երկրները պետք է ավելի ակտիվ լինեն։ Գերմանիան կարևոր դերակատար է, բայց մյուս եվրոպական երկրներն էլ պետք է նախաձեռնություն ցուցաբերեն»,- ասել է Պրևոնը։ Բեռլինը վերջերս որոշել է դադարեցնել զենքի արտահանումը Իսրայելին, բայց Գերմանիան դեռևս համարվում է հրեական պետության կողմնակիցը ԵՄ-ում։

Սակայն իրավիճակն աստիճանաբար փոխվում է։ Նախարարը նշել է. «Օրինակ, 26 երկիր համաձայնել է որոշ պատժամիջոցներ կիրառել ագրեսիվ գաղութաբնակների և ՀԱՄԱՍ-ի որոշ առաջնորդների դեմ։ Միայն Հունգարիան է խանգարում այս նախաձեռնությանն»։