Հայաստանում ռուսաստանյան ուսանողների թիվը կրկնապատկվել է, հայտնել է Ռուսաստանի Արտաքին գործերի նախարարության ՄԳԻՄՕ համալսարանի Եվրասիական կրթական ինստիտուտի տնօրեն Թամարա Շաշիխինան՝ «Հայաստան – ԵԱՏՄ. Միասին առաջ» ֆորումում։

Ինչ վերաբերում է ԵԱՏՄ կրթական ծրագրերին, Թամարա Շաշիխինան նշել է ցանցային ձևաչափով ծրագրերը և Ազգային Եվրասիական Կոնսորցիումի ստեղծումը, որը համատեղում է տարբեր երկրների համալսարանների ջանքերը՝ եվրասիական ուղղությամբ կադրեր պատրաստելու համար։ Հայաստանից կոնսորցիումում ընդգրկված է Երևանի պետական ​​համալսարանը։ «Այդ հաստատությունը դեռ շատ ակտիվ չէ, բայց մենք ընդամենը 2 տարի աշխատում ենք, և այս տարի ունենք առաջին շրջանավարտները։ Հույս ունեմ, որ Հայաստանը ավելի ակտիվ կմասնակցի նախագծին», — ասել է Շաշիխինան։

Նա նաև ընդգծել է, որ վերջին տասը տարիների վիճակագրությունը ցույց է տալիս՝ Հայաստանի քաղաքացիություն ունեցող ուսանողների թիվը նվազել է 100-ից 82 հազարի։ Ներկայումս Ռուսաստանում սովորում են ավելի քան 2 հազար հայ ուսանող։ Մինչդեռ Հայաստանում ռուս ուսանողների թիվը կրկնապատկվել է։

Ռուսաստանի արտգործնախարարության ՄԳԻՄՕ համալսարանի ուսումնական ծրագրի համաձայն, առաջին կուրսը անցկացվում է Մոսկվայում, իսկ երկրորդը՝ ուսանողների հայրենիքում։ «Մենք պատրաստում ենք կադրեր, որոնք կվերադառնան և կաշխատեն իրենց երկրում՝ նրա զարգացման համար», — ընդգծել է Շաշիխինան՝ շեշտելով, որ ծրագիրը վերաբերում է ուսանողներին, ովքեր ընդունված են իրենց երկրների համալսարաններ։

Թամարա Շաշիխինան նաև ցավով նշել է, որ հայկական համալսարանների մեծ մասը չի առաջարկում դասընթացներ ռուսերենով, չնայած ե՛վ հայ, և՛ ռուս ժողովուրդների ավանդույթներն ու հարաբերությունները հաշվի առնելով, ռուսերենով դասընթացները մեծ նշանակություն ունեն։ ՄԳԻՄՕ-ն պատրաստ է աջակցել այս նախաձեռնությանը, որպեսզի բազմալեզու կրթությունը Հայաստանի բուհերում ավելի ընդգծված դառնա։