Պետդումայի ԱՊՀ հարցերով, Եվրասիական ինտեգրման և հայրենակիցների հետ հարաբերությունների կոմիտեի նախագահի առաջին տեղակալ Կոնստանտին Զատուլինը հայտնել է, որ անհրաժեշտ է կարգավորել հարաբերությունները Ադրբեջանի հետ՝ արտահայտելով «վատ խաղաղությունը լավ վեճից լավ է» մոտեցումը։

Նա ընդգծել է, որ դա չի նշանակում Մոսկվան պետք է խորանա այս համագործակցության մեջ: Զատուլինը նշել է, որ լինում են տարբերություններ երկու երկրների դիրքորոշումներում։

«Ադրբեջանը հետևում է իր ուղղությանը։ Այս ուղղության առանձնահատկություններն են Լեռնային Ղարաբաղի բռնակցումը և 2023-ին խաղաղ կարգավորումներից հրաժարվելը։ Ադրբեջանն օգտվեց նրանով, որ Հայաստանն այդ ժամանակ գլխավորում էր ոչ այնքան ազգային կառավարություն և դրանով կարողացավ իր ծրագրերն իրականացնել Թուրքիայի աջակցությամբ։ Այդ պատճառով որոշ ժամանակահատված ռազմավարական գործընկերոջ դեր խաղալու համար Մոսկվան չխանգարեց», — նշել է Զատուլինը։

Նա հավելել է, որ Բաքվի ծրագրերի կյանքի կոչումից հետո Ռուսաստանի հետ ամեն ինչ համաձայնեցնելու անհրաժեշտությունը վերացել է։

Նշելով, որ Հայաստանի վրա հետագա ճնշումը, Զանգեզուրի միջանցքի անցկացումը և ամերիկացիների ու իսրայելցիների ներգրավումը տարածաշրջան, սկզբունքորեն չեն համապատասխանում Ռուսաստանի շահերին։

Զատուլինն ընդգծել է, որ Թուրքիայի և Ադրբեջանի ռազմավարական դաշինքը նախատեսում է շարունակել մեծ Թուրանի ձևավորումը՝ թյուրքական ազդեցությունն ավելացնելով Կենտրոնական Ասիայում և Ռուսաստանի թուրքաբնակ շրջաններում, ինչը հակասում է Ռուսաստանի շահերին և ստեղծում է սպառնալիքներ։

Նա ուշադրություն է հրավիրել այն հանգամանքին, որ Ադրբեջանը ամրացնում է իր հարաբերությունները Վաշինգտոնի և Թել Ավիվի հետ՝ Թեհրանի նկատմամբ պլացդարմ ստեղծելով, ինչը նույնպես չի համապատասխանում Ռուսաստանի շահերին՝ հաշվի առնելով «Հյուսիս-Հարավ» միջանցքի հույսերը։

«Համոզված եմ, որ Ադրբեջանը պատրաստ է մասնակցել Իրանի դեմ գործողությունների, փորձելով խախտել Իրանի Իսլամական Հանրապետության կայունությունը, որտեղ բնակչության զգալի մասը ադրբեջանցիներ են», — նշել է Զատուլինը։