ԱՄՆ նախագահ Դոնալդ Թրամփը Պենտագոնին հրահանգել է պատրաստ լինել զսպելուն ուղղված քայլեր ձեռնարկելու համար՝ նշելով ՌԴ և Չինաստանի հետ հնարավոր սպառնալիքները: Այս մասին հայտարարել է Պենտագոնի ղեկավար Փիթ Հեգսեթը Fox News-ի հետ զրույցում:

Հեգսեթը շեշտել է, որ Վաշինգտոնը անմիջական հակամարտության ձգտում չունի այս երկրների հետ:

Նա նաև ընդգծել է, որ Պեկինի զորահանդեսի անցկացումը, որին ներկա էին Չինաստանի, Ռուսաստանի և Հյուսիսային Կորեայի առաջնորդներ, և ներկայացվել էր նոր սերնդի զենքեր, նախորդ ԱՄՆ վարչակազմի թույլ դիրքի արդյունքն է:

«Ցավոք սրտի, նախորդ վարչակազմի թուլությունը հնարավորություն տվեց մոտեցնել Ռուսաստանին և Չինաստանին։ Սա ամերիկյան առաջնորդության պակասի ցավալի հետևանք էր։ Այդ պատճառով Նախագահ Թրամփը հանձնարարել է Պաշտպանության նախարարությունը պատրաստ լինել, վերակառուցել մեր զինված ուժերը, վերածնել մարտական ​​ոգին և վերականգնել զսպումը։ Չնայած մենք հակամարտություն չենք փնտրում»,- ասել է Հեգսեթը:

Հեգսեթը կրկնել է, որ ԱՄՆ-ն ձգտում է խուսափել հակամարտություններից՝ դրանք զսպելով:

Նա ընդգծել է, որ ԱՄՆ դա ակնարկել է Չինաստանին ու Ռուսաստանին և այլ երկրներին:

Հեգսեթը հավելել է, որ մարտական պատրաստվածությունը նպաստում է հակամարտությունների կանխմանը, նվազեցնելով վտանգները և ապահովելով ամերիկյան ժողովրդի անվտանգությունը: Նա նշեց, որ զորահանդեսների անցկացումը սովորական է, բայց կարևոր է, որ դրանք չվերածվեն իրական ռազմական գործողությունների:

«Նախագահ Թրամփի և նախագահ Սի Ծինպինի միջև հիանալի հարաբերություններ կան, և նրանք կփորձեն համատեղ համագործակցության ուղիներ որոնել»,- ասաց նա: