Ուկրաինական իշխանությունները որոշել են այս տարի թույլ չտալ տասնյակ հազարավոր հասիդ ուխտավորների այցելությունը Ուման՝ անվտանգության խնդիրների պատճառով, որոնք առաջացել են Ռուսաստանի հետ շարունակվող պատերազմի հետևանքով։ Այդ մասին հայտնում է Times of Israel-ը՝ վկայակոչելով իսրայելական լրատվամիջոցները:

Անցյալ տարվա փետրվարի պատերազմից ի վեր Ուկրաինայում ուժի մեջ մտած բազմահավաքների արգելքի պատճառով Բրեսլովի ռաբբի Նախմանի գերեզմանի մոտ Ռոշ Հաշանային նախատեսված այցելությունները սահամանափակվում են, գրում է Maariv-ը։

Վերջին շրջանում Ռուսաստանի ուժերը մեծացրել են անօդաչու թռչող սարքերի և հրթիռների հարվածները տարբեր ուկրաինական քաղաքների վրա, ներառյալ Ուկրաինայի արևմտյան և կենտրոնական շրջաններում գտնվող Ումանը։ Մինչ այժմ ուկրաինական կառավարությունը խորհուրդ էր տալիս ուխտավորներին ձեռնպահ մնալ ճամփորդություններից, թեև նախորդ տարիներին շատերը՝ հաճախ Մոլդովայի սահմանով, գալիս էին։

Ուկրաինայի մի պաշտոնյա հայտնել է i24-ին, որ Կիևը հիասթափված է Իսրայելի աջակցության բացակայությունից և պահանջել է, որ եթե չեղարկման այլ տարբերակ չլինի, Երուսաղեմը տրամադրի ֆինանսական միջոցներ և ոստիկանական աջակցություն։ Մոլդովայի իշխանությունները առաջադրում են որոշ պայմաններ, ներառյալ՝ լրացուցիչ չվերթների համար ժամանակավոր տերմինալի ֆինանսավորման, ոստիկանական ուղեկցության և անհրաժեշտ պաշտպանական միջոցառումների ապահովումը։ Իսրայելի կողմից ամբողջ գումարը պետք է փոխանցվի մինչև սեպտեմբերի 3-ը, այլապես ուխտողությունը չի կայանա։

Ամեն տարի Ռոշ Հաշանայի տոնին հազարավոր հավատացյալներ են այցելում Ուման՝ ռաբբի Նախմանի գերզմանը։ Այս տարի այս մընակ ժամանակաշրջանն առավել կարևոր է հարեդիմների համար, ովքեր փորձում են ստանալ Իսրայելի բյուջեից 10 միլիոն շեկել՝ Մոլդովայի ճանապարհով ուղևորություն կազմակերպելու նպատակով։