Երկիր մոլորակի պատմության վաղ շրջանից այն անպտուղ և անմարդաբնակ էր, մինչքան հսկա նախամոլորակ Թեա կոչվածը փոխեց ամեն ինչ։

Գիտնականների կարծիքով, հենց այս հսկա մոլորակի՝ Մարսի չափսի մարմնի հետ բախումն ավելի քան 4 միլիարդ տարի առաջ դարձավ կարևոր փուլ մեր մոլորակի պատմության մեջ։

Նրանց ուսումնասիրությունը հրապարակվել է Science Advances ամսագրում։

Մինչ այժմ Թեայի հետ կապված համարվում էր Լուսնի ձևավորումը, երբ բախված մոլորակների մասնատվածքները դարձան մեր բնական արբանյակը։ Սակայն նոր հետազոտությունը ներկայացնում է, որ Թեայի շնորհիվ Երկիր մոլորակը ստացավ ոչ պակաս կարևոր նյութեր՝ կենսական տարրեր։ Դրանց թվում են ցնդող նյութերը, ինչպես ջրածինը և ածխածինը, որոնք կարևոր են կյանքի ձևավորման համար։ Արեգակնային համակարգում դրանց քանակը քիչ էր, քանզի արեգակից մերձակայքում գտնվում էին գազային վիճակում գտնվող նյութերը, որոնք չէին նստում մոլորակների վրա։

Քիմիական մոդելներով և երկնաքարերի ու երկրային ապարների իզոտոպների ուսումնասիրությունների միջոցով գիտնականները կարողացան վերականգնել Երկրի ձևավորման առաջին 15 միլիոն տարիների պատկերացումը։

Արդյունքում, նրանք հայտնաբերեցին, որ հենց Թեայի շնորհիվ է Երկրին հասանելի դարձել այնքան անհրաժեշտ ցնդող նյութերի քանակը։ Առանց այս բախման՝ Երկրի վրա կյանքը գուցե երբեք չէր էլ հայտնվի։

Այս հայտնագործությունները ընդգծում են, որ տիեզերքում կյանքի առաջացման պայմանները անվերապահորեն չեն երաշխավորված։ Երկրի նման մոլորակները հազվադեպ են գոյանում, և եթե դրանք զրկված են ցնդող նյութերի մեծ աղբյուրներից, դրանք մնալու են անմարդաբնակ և անպտուղ։