Այսօր առավոտյան Ֆրանսիան, Գերմանիան և Մեծ Բրիտանիան սկսել են ՄԱԿ-ի Անվտանգության խորհրդի 2231 (2015) բանաձևով նախատեսված Իրանի նկատմամբ պատժամիջոցների վերականգնումը։ Այս մասին հայտարարություն է արել ԱՄՆ պետքարտուղար Մարկո Ռուբիոն։

«Եվրոպացի դաշնակիցները՝ հայտնի որպես Եվրաեռյակ, ներկայացրել են Իրանի միջուկային պարտավորությունների չկատարման ապացույցներ։ Եվրաեռյակը կարող էր պատասխան միջոցառումների անցկացնել արդեն 2019 թվականից, սակայն նախընտրել է Իրանի հետ դիվանագիտական հանդիպումներ կազմակերպել՝ ընդմիջելու իր միջուկային գործողությունները։

Միացյալ Նահանգները գնահատում է Եվրաեռյակի առաջնորդությունը և պատրաստ է համատեղ աշխատել նրանց և ՄԱԿ-ի Անվտանգության խորհրդի այլ երկրների հետ՝ Իրանի վրա պատժամիջոցների վերադարձը հաջողությամբ կազմակերպելու համար, ըստ Ազգային անվտանգության վերաբերյալ նախագահական հուշագրերի։

Միացյալ Նահանգները շարունակում է հանձնառու մնալ Իրանի հետ խաղաղ լուծումների փնտրտուքում և դիվանագիտական ջանքերում։ Պատժամիջոցները չեն հակասում այս մոտեցմանը, այլ ամրապնդում են այն։ Մենք Իրանի ղեկավարներին կոչ ենք անում անհապաղ քայլեր ձեռնարկել՝ երկիրը խաղաղության ուղու վրա դնելու և բնակչության բարօրությունը խթանելու համար»,- նշել է Մարկո Ռուբիոն իր հայտարարության մեջ։