Կոլորադոյում իրականացված ուսումնասիրման արդյունքում, որն անցկացվել է Հյուսիսարևմտյան համալսարանի և Չիկագոյի բուսաբանական այգու գիտնականների կողմից, պարզվել է, որ վայրի իշամեղուները, իրենց սննդակարգը ռազմավարապես հավասարակշռելու նպատակով, այցելում են տարբեր տեսակների ծաղիկներ: Մեղուներն ընտրում են ծաղիկները այնպես, որ ապահովեն սպիտակուցների, ճարպերի և ածխաջրերի պատշաճ ընդունումը, հայտնում է The Guardian-ը:

Ութ տարվա ընթացքում, գիտնականները հետևել են իշամեղուների կողմից տարբեր ծաղիկների այցելությանը և վերլուծել են դրանց ծաղկափոշու սննդարար նյութերի պարունակությունը:

Հետազոտության արդյունքները ցույց տվեցին, որ մեղուները հարմարեցնում են իրենց սննդակարգը՝ նկատի ունենալով եղանակային փոփոխությունները և իրենց ֆիզիկական առանձնահատկությունները: Օրինակ, երկար լեզուներով մեծ մեղուները ընտրում են սպիտակուցներով հագեցած ծաղկափոշի, իսկ փոքր մեղուները նախընտրում են ճարպերով և ածխաջրերով հարուստ ծաղկափոշի:

Սեզոնային փոփոխությունները նույնպես արտացոլվում են ծաղկափոշու սննդարար կազմի մեջ. գարնանը ծաղկափոշու սպիտակուցային պարունակությունը բարձր է, իսկ ամռան վերջում՝ ճարպերի և ածխաջրերի մակարդակը: Այս տվյալները շեշտում են բույսերի բազմազանության կարևորությունը թե՛ մեղուների առողջության, թե՛ արդյունավետ փոշոտման համար:

Կլիմայի փոփոխության և էկոհամակարգերի վնասման պայմաններում նշված արդյունքները ընդգծում են բույսերի բազմազանությունը պահպանելու և մեղուների համար նպաստավոր միջավայր ստեղծելու անհրաժեշտությունը: