«ՍՕՍ-Մանկական Գյուղեր» հայկական բարեգործական հիմնադրամի ծրագրի ներքո 10 ուսանող կստանա ֆինանսական օգնություն Բիբլոս Բանկ Արմենիայից՝ մասնագիտական կրթություն ստանալու նպատակով:

Այս ուսանողներն ընդգրկված են ինչպես բարձրագույն, այնպես էլ միջին մասնագիտական կրթության ծրագրերում՝ ընդգրկելով մանկավարժություն, հրուշակագործություն, զբոսաշրջություն և այլ ոլորտներ:

Բիբլոս Բանկ Արմենիայի և հիմնադրամի համատեղ նախաձեռնությունը նպատակ ունի բարելավել երիտասարդների կյանքի որակը՝ կրթական և գործնական հմտությունների զարգացման միջոցով:

«Կրթությունը կյանք փոխելու բացառիկ ուժ ունի, և մենք հպարտությամբ ամրացնում ենք երիտասարդների անկախությունը և ինքնադրսևորումը»,- նշեց Բիբլոս Բանկ Արմենիայի գլխավոր գործադիր տնօրեն Հայկ Ստեփանյանը։ Նրա խոսքով, բանկի ԿՍՊ ծրագրերի հիմքում օժանդակելն է երիտասարդներին՝ այնպիսի պայմանների ստեղծման միջոցով, որոնք հնարավորություն կտան հասնել իրենց նպատակներին:

«Կրթական և մասնագիտական զարգացման հնարավորությունների տրամադրումն երիտասարդներին մեր հիմնադրամի հիմնական նպատակներից է։ Կարևոր է, որ նրանք զգան, որ կյանքի այս փուլում միայնակ չեն»,- ընդգծեց «ՍՕՍ-Մանկական Գյուղեր» հիմնադրամի ազգային տնօրեն Սպարտակ Սարգսյանը։

Այս նախաձեռնությունը կարևոր բաղադրատարր է Բիբլոս Բանկ Արմենիայի կորպորատիվ սոցիալական պատասխանատվության ծրագրի շրջանակներում։ Նպատակ ունենալով ստեղծել առողջ և բարգավաճող համայնքներ, բանկը ակտիվորեն ներդրում է կատարում ԿՍՊ և կրթական ծրագրերի իրագործման մեջ:

«ՍՕՍ-Մանկական Գյուղեր» հիմնադրամը ստեղծվել է 1988 թվականի Սպիտակի երկրաշարժից հետո և կենտրոնացած է այնպիսի երեխաների խնամքի ապահովման վրա, ովքեր գտնվում են դժվար կացության մեջ՝ աջակցելով նրանց ընտանիքաբնույթ միջավայրում: