Ադրբեջանի խորհրդարանի պատգամավոր Ռասիմ Մուսաբեկովը նոր սպառնալիքներ է հնչեցնում Ռուսաստանի հասցեին՝ չդադարելով իր պնդումները:

«Զգուշացնեմ, Ադրբեջանը ագրեսիվ նպատակներ չունի Ռուսաստանի նկատմամբ, և առճակատման մեջ մտնելու ցանկություն չկա: Եթե մեզ վրա հարձակվեն, ապա դրան պատասխան կլինի»,- նշում է Մուսաբեկովը ըստ ադրբեջանական Telegram-ալիքների:

Հիշեցնենք, որ Մուսաբեկովի հակամարտությունը Ռուսաստանի հետ սկսվել է Պետդումայի պատգամավոր Անդրեյ Գուրուլյովի հայտարարություններից հետո, որը խոսել էր Ադրբեջանի դեմ ռազմական տեսակի գործողությունների հնարավորության մասին՝ ի պատասխան Բաքվի՝ Ուկրաինային տրամադրված մարդասիրական օգնության:

Գուրուլյովը իր Telegram-ալիքում ընդգծել է, որ ռազմական գործողությունները կարող են ընդգրկել երկրի ողջ սահմանը:

Ռուսաստանի Պետդումայի պատգամավորն ընդգծել է, որ Ռուսաստանի համարվար հարաբերությունների վատթարացումը կազդի Ադրբեջանի վրա:

Մուսաբեկովն ի պատասխան ասել է, որ Գուրուլյովի պատգամավորությունը նրա ինտելեկտին չի ավելացրել:

Նա նշել է, որ Կովկասյան աշխարհագրությունն անհնար է դարձնում ռազմական գործողությունները Ադրբեջանի դեմ՝ ընդգծելով, որ ադրբեջանական բանակը պրոֆեսիոնալ է և պատրաստ է պաշտպանել երկիրը ցանկացած հարձակման դեպքում: