Քենիայում՝ Նյայանգա հնագիտական վայրում, գիտնականները հայտնաբերել են քարե գործիքներ, որոնք կարող են լինել մինչև 2,6 միլիոն տարեկան, և որոնք վերանայում են մեր պատկերացումները հին մարդանմանների պլանավորման ունակությունների մասին։ Այս մասին հայտնում է Live Science-ը։

Խոսքը 401 գործիքի մասին է՝ Օլդուվայան մշակույթի, որոնք պատրաստված են ոչ տեղական քարերից։ Քարերի մեծ մասը տեղափոխվել է մոտ 10 կիլոմետր հեռավորությունից, ինչը նախկինում համարվում էր անկարելի։ Սա ցույց է տալիս, որ մարդիկ կարող էին ավելի վաղ պլանավորել իրենց գործողությունները։

Նման նյութերի ընտրությունը պարզապես հմտություններ չի պահանջում. սա վկայում է, որ հին արարածները տիրապետել են լանդշաֆտի քարտեզմանը և նախապես պլանավորել են ռեսուրսների արդյունահանումը։

Հնէամարդաբան Ռիք Փոթսը նշում է, այլ ոչ թե պարզապես գործիքների ստեղծում է, այլ ռեսուրսների հատուկ տեղափոխում սննդի աղբյուրներին մոտ։

Համեմատենք՝ ժամանակակից շիմպանզեները քարերը տեղափոխում են միայն 2 կմ, այն էլ աստիճանաբար։ Իսկ հին գործիքային տեխնոլոգիաները պահանջում են գիտակից մոտեցում ու ճանաչողական ավելի բարդ ունակություններ։

Հետաքրքիրն այն է, որ այս գործիքների ստեղծողի մասին ստույգ տվյալներ չկան։ Հնարավոր է, դրանք պատրաստել են Homo տեսակին պատկանող անհատները կամ գուցե Paranthropus-ը։ Բացահայտված են Paranthropus-ի մնացորդներ, որոնք ընդլայնում են տեխնոլոգիական նորարարության հնարավոր հեղինակների շրջանակը։