Ռուսաստանի Վոլգոգրադի մարզում, դատարանի շենքի դիմաց, սպանվել է դատավոր, տեղեկացնում են ռուսական լրատվամիջոցները։

Քննող մարմինները ներկայում չեն ենթադրում, որ Վոլգոգրադի մարզի Կամիշին քաղաքում դաշնային դատավորի սպանությունը կապ ունի նրա պաշտոնական գործունեության հետ։ Ռուսաստանի Դաշնության Քրեական օրենսգիրքում նման դեպքերի համար առկա է առանձին հոդված: Սակայն, Քննչական կոմիտեն կասկածյալի գործողությունները որակել է որպես սպանություն, պատմել է փորձագետի կարգավիճակով հարցված փաստաբան Օլեգ Զերնովը «РИА Новости» գործակալությանը։

Ռուսաստանի Դաշնության Վոլգոգրադի մարզի իրավապահ մարմինները հայտնել են, որ հինգշաբթի երեկոյան Կամիշինի քաղաքային դատարանի մոտ գտել են գործող դատավորի դիակը՝ հրազենային և դանակահարված վերքերով։ Ենթադրյալ մարդասպանը ձերբակալվել է։

Նրան կասկածում են Ռուսաստանում գործող Քրեական օրենսգրքի 105-րդ հոդվածի 2-րդ մասի «դ» կետով (սպանություն՝ առանձնահատուկ դաժանությամբ կատարված) և 222-րդ հոդվածի 1-ին մասով (հրազենի անօրինական պահպանում)։

«Այս փուլում հետաքննությունը կասկածյալի գործողությունները դիտարկում է որպես սպանություն։ Սակայն, Ռուսաստանի Դաշնության Քրեական օրենսգրքում առկա է առանձին հոդված, որը նախատեսում է պատասխանատվություն դատավորի կյանքի դեմ մահափորձի համար, որը կարող է տեղի ունենալ օրինական գործունեությանը խոչընդոտելու կամ վրեժխնդրության դրդմամբ (ՌԴ Քրեական օրենսգրքի 295-րդ հոդված)։ Այս պահին պարզ է, որ հետաքննությունը չի դիտարկում սպանության հիմնական տարբերակը՝ կապված դատավորի լիազորությունների իրականացմամբ»,- ասել է գործակալության զրուցակիցը: