Հայաստանի ԿԳՄՍ նախարարությունը սկսում է օտարերկրյա քաղաքացիների և սփյուռքի հայերի փաստաթղթերի հավաքագրման գործընթացը՝ նախատեսված 2025-2026 ուսումնական տարում Հայաստանում արհեստագործական և միջին մասնագիտական կրթական հաստատություններ ընդունվելու համար:

Օտարերկրացի այն դիմորդները, ովքեր վերջին երեք տարիներին կրթվել և ավարտել են Հայաստանում, միջնակարգ ուսումնական հաստատությունների ընդունելությանը մասնակցում են նույն հիմունքներով, ինչպես ՀՀ քաղաքացիները:

Մասնագիտական կրթության համապատասխան մակարդակներում մշակույթի, սպորտի, բժշկության ոլորտներում ուսման ընդունելության պահանջները ներառում են ստեղծագործական ու կատարողական ունակությունների ստուգում (քննություն), իսկ բժշկության ուղղությամբ՝ հանրակրթական ծրագրերի համապատասխան առարկաների գիտելիքների ստուգում:

Օտարերկրացի դիմորդները, այդ թվում՝ ՀՀ-ից դուրս բնակվող հայերը, պետք է տրամադրեն իրենց փաստաթղթերը ԿԳՄՍ նախարարությանը հետևյալ ժամկետներում՝

վճարովի առկա ուսուցմամբ արհեստագործական և միջին մասնագիտական հաստատություններում, այդ թվում՝ նախապատրաստական դասընթացներին ընդունվելու համար՝ հուլիսի 3-ից մինչև օգոստոսի 15:

վճարովի հեռակա ուսուցմամբ միջին մասնագիտական հաստատություններում՝ 2025թ. հուլիսի 3-ից մինչև հոկտեմբերի 11:

Փաստաթղթերը կարող են ներկայացվել՝

դիմորդի կամ նրա լիազորված ներկայացուցչի կողմից,

ուսումնական հաստատության կողմից, որն իրականացնում է արհեստագործական և միջին մասնագիտական ծրագրեր,

կամ ՀՀ դիվանագիտական ներկայացուցչություններ միջոցով՝ օտար երկրներում: