Նախագահ Թրամփը եվրոպական ղեկավարների՝ ներառյալ Ուկրաինայի նախագահ Վլադիմիր Զելենսկու հետ համաձայնեցրել է կարմիր գծեր գալիք բանակցությունների համար Ռուսաստանի նախագահ Վլադիմիր Պուտինի հետ: Նա նաև հույս է հայտնել շուտափույթ կազմակերպելու եռակողմ գագաթնաժողով՝ կոնֆլիկտի կողմերի ղեկավարների մասնակցությամբ և սպառնացել է Պուտինին “շատ լուրջ հետևանքներով” կրակի դադարեցումից հրաժարվելու դեպքում:

Եվրոպական ղեկավարների հետ չորեքշաբթի կայացած Թրամփի վիդեո-խորհրդաժողովի մասնակիցները այն որակել են կառուցողական: Թրամփը իր եվրոպացի գործընկերներին ասել է, որ տարածքային հարցերի վերաբերյալ բանակցություններ չի վարի՝ շեշտելով, որ Ուկրաինան պետք է դրանք ուղղակիորեն Ռուսաստանի հետ քննարկի, ինչպես նշել է Գերմանիայի կանցլեր Ֆրիդրիխ Մերցը, որ նախաձեռնել էր այս վիդեո-հավաքը:

ԱՄՆ նախագահը պարզաբանել է, որ անվտանգության ցանկացած երաշխիքներ, որոնք հնարավոր է առաջարկվեն Ուկրաինային Ռուսաստանի հետ խաղաղության համաձայնության շրջանակում, չեն կապված լինի Հյուսիսատլանտյան դաշինքի հետ: Սակայն համաձայնեցրել է, որ այլ երաշխիքներ համատեղ առաջարկվեն ԱՄՆ-ի և Եվրոպայի կողմից, հայտնել է Ֆրանսիայի նախագահ Էմանուել Մակրոնը: Մակրոնը նշել է զգալի փոփոխություն Թրամփի դիրքորոշման մեջ:

“Նախագահ Թրամփը շատ հստակ հասկացրեց, որ ամերիկյան ցանկությունը կայանում է նրանում, որպեսզի Ալյասկայում կայանալիք հանդիպմանը հասնենք հրադադարի”, — ասել է Մակրոնը վիդեո-խորհրդաժողովից հետո:

Երկու այլ մասնակիցներ հայտնել են, որ Թրամփը նշել է՝ ԱՄՆ-ն պատրաստ է իր դերն ունենալ ապագա անվտանգության երաշխիքներում՝ Եվրոպայի հետ միասին: Նրանք մանրամասների մեջ չեն խորացել:

Մենք, եվրոպացիներս, անում ենք հնարավորինս ճիշտ հանդիպման համար, որպեսզի ուրբաթ օրը Անկորիջում Դոնալդ Թրամփը հաջողության հասնի”, — Մերցը նշել է Զելենսկու հետ համատեղ մամուլի ասուլիսի ընթացքում: “Ալյասկայում պետք է պահպանվեն Ուկրաինայի և Եվրոպայի ֆունդամենտալ շահերը՝ այս ուղերձը մենք հասցրել ենք ԱՄՆ նախագահին”:

Ուկրաինայի պատվիրակությունը էական թեթևացում է զգացել բանակցությունների հաջողության հետ կապված՝ ասացել են մասնակիցները:

Բանակցություններից անմիջապես հետո Թրամփը զգուշացրել է “շատ լուրջ հետևանքների մասին”, եթե Պուտինը չհամաձայնի դադարեցնել ռազմական գործողությունները Ալյասկայի գագաթնաժողովից հետո: Բայց եթե ուրբաթ օրվա գագաթնաժողովը Պուտինի հետ հաջող ընթանա, ապա պետք է կազմակերպել եռակողմ հանդիպում՝ խաղաղ բանակցությունները սկսելու նպատակով:

“Ես կուզենայի դա անել գրեթե անմիջապես, ու մենք արագորեն կունենանք երկրորդ հանդիպում նախագահի՝ Պուտինի, նախագահի՝ Զելենսկու և ինձ հետ, եթե նրանք ցանկանան տեսնել ինձ այնտեղ,” — ասաց Թրամփը:

Ռուսական ղեկավարությունը չորեքշաբթի վիդեո-խորհրդաժողովից առաջ հաստատեց, որ իր պայմանները կոնֆլիկտի լուծման վերաբերյալ մնում են անփոփոխ: Այդ թվում՝ Ուկրաինայի հեռացումը այն տարածքներից, որոնք Ռուսաստանը իր ձեռքը չի վերցրել:

Եվրոպական դիվանագետները հայտնել են, որ Վենսը, որը շաբաթ օրը Անգլիայում հանդիպել է նրանց հետ, ցույց է տվել մեծ հետաքրքրություն՝ համաձայնեցնել տրանսատլանտյան դիրքորոշումները Պուտինի հետ բանակցություններից առաջ, և ցուցադրել իրավիճակի մանրակրկիտ գիտելիքներ:

Եվրոպական ղեկավարները և Զելենսկին ներկայացրին Թրամփին հինգ հստակ կարմիր գծեր Անկորիջում գագաթնաժողովի անցկացման համար՝ հրադադարը պետք է լինի հետագա բանակցությունների նախապայման, ցանկացած տարածքային քննարկումներ պետք է սկսվեն այսօր գոյություն ունեցող ճակատի դիրքերից, Ուկրաինան պետք է մասնակցի բանակցություններին, և ցանկացած համաձայնություն պետք է աջակցվի ԱՄՆ-ի կողմից և Եվրոպայի, ներառյալ Ուկրաինան:

Նրանք հայտնել են Թրամփին, որ Ռուսաստանի վերահսկողության տակ գտնվող տարածքների իրավական ճանաչում Ուկրաինայի և Եվրոպայի կողմից չի լինի, բայց որ տիրող իրավիճակի ճանաչումը կարող է դառնալ ապագա համաձայնության մաս: