Ղազախստանի նախագահ Կասիմ-Ժոմարտ Տոկաևը ջերմորեն շնորհավորել է Հայաստանի վարչապետին Վաշինգտոնում Հայաստանի և Ադրբեջանի միջև խաղաղության հաստատման հռչակագրի ստորագրման կապակցությամբ։ Այս մասին հայտնում է Ղազախստանի նախագահի մամուլի ծառայությունը։

«Այս պատմական փաստաթղթի ստորագրումը հնարավոր դարձավ, ի թիվս այլ գործոնների, Նիկոլ Փաշինյանի՝ քաղաքական կամքի և իր երկրի ազգային շահերը պաշտպանելու ռազմավարական տեսլականի շնորհիվ։

Հռչակագիրն ստեղծում է Հարավային Կովկասում ավելի լայն համագործակցության և ավելի ինտենսիվ տնտեսական ու ներդրումային կապերի հնարավորություն Ղազախստանի և Հայաստանի միջև։

Կասիմ-Ժոմարտ Տոկաևը տեղեկացրել է, որ Աստանայում արդեն սկսվել են նախապատրաստական աշխատանքները վարչապետի սպասվող պաշտոնական այցի համար։ Ղազախստանը պատրաստ է աջակցել Հայաստանի և Ադրբեջանի քաղաքական երկխոսությանը՝ ապահովելով իր հարթակը բանակցությունների համար։

Շնորհավորանքների համար շնորհակալություն հայտնելով՝ Նիկոլ Փաշինյանը Ղազախստանի իշխանություններին տեղեկացրել է խաղաղության բանակցությունների գործընթացի որոշ ասպեկտների մասին՝ ընդգծելով ԱՄՆ-ի դերի գերակայությունը։

Փաշինյանը նշելով Ղազախստանի գործունեության կարևորությունը Հայաստանի և Ադրբեջանի հաշտեցման գործում՝ ընդգծել է իր պատրաստակամությունը այս տարի ժամանել Ղազախստան՝ նոր պայմանագրերի քննարկման և ստորագրման համար»,- նշում է մամուլի ծառայությունը։