Օգոստոսի 8-ին ՀՀ ներքին գործերի նախարար Արփինե Սարգսյանը հանդիպել է Հայաստանում ԵՄ պատվիրակության ղեկավար Վասիլիս Մարագոսի հետ։ Այս մասին տեղեկացնում են ՆԳ նախարարությունից։

Բարի գալուստի խոսքերով ելույթ ունենալով՝ նախարար Սարգսյանը կարևորել է համագործակցությունը մի շարք ոլորտներում։ Նա ներկայացրել է վիզաների ազատականացման ուղղությամբ ՆԳ նախարարության կողմից իրականացվող քայլերը՝ հատկապես բիոմետրիկ համակարգի ներդրումն ու ոստիկանության բարեփոխումները։

Դեսպան Մարագոսը շնորհակալություն հայտնեց ջերմ ընդունելության համար՝ ընդգծելով, որ համագործակցությունն արդյունավետ է և տալիս է տեսանելի արդյունքներ։ Նա անդրադարձել է ԵՄ-ի գործողությունների ծրագրի շրջանակներում կատարված աշխատանքներին։

Կողմերը քննարկել են ապագայում համատեղ ծրագրերի իրականացումը, բարձր մակարդակի հանդիպումների կազմակերպման հնարավորությունները, ԵՄ անդամ երկրների հետ համագործակցության խորացումը վիզաների ազատականացման ուղղությամբ, սահմանների կառավարման բարեփոխումները, ՀՀ քաղաքացիության հարցեր, ինչպես նաև կոռուպցիայի և թրաֆիքինգի դեմ պայքարը։

Հատուկ ուշադրություն է դարձվել հանցավորության դեմ պայքարում ԵՄ-ի աջակցությանը, հանցավորության վիճակագրության ներդրմանը, ինչպես նաև Եվրոպոլի և Ֆրոնտեքսի հետ համագործակցության խորացման անգլուխ։