Իրանի Իսլամական Հանրապետությունը մեծ ուշադրությամբ հետևում է Հարավային Կովկասում ընթացող իրադարձություններին։ Իրանը կապ է պահպանում Ադրբեջանի և Հայաստանի Հանրապետությունների հետ՝ անդրադառնալու տարածաշրջանային զարգացումներին։ Այս մասին հաղորդում է Իրանի արտաքին գործերի նախարարությունը։

«Կովկասյան տարածաշրջանում խաղաղությունն ու կայունությունը մեծ նշանակություն ունեն բոլոր երկրների համար։ Իրանը ողջունում է երկու երկրների միջև խաղաղության համաձայնագրի կազմումն ու այն համարում կարևոր քայլ տարածաշրջանում կայունություն հաստատելու հարցում։

Միևնույն ժամանակ, երկրների մոտ մտահոգություն է առկա արտաքին ներազդեցությունների հնարավոր բացասական հետևանքների վերաբերյալ, հատկապես սահմանամերձ գոտիներում, ինչը կարող է անհանգստություններ ստեղծել տարածաշրջանում անվտանգության համար։

Իրանն ընդգծում է իր ազգային շահերի պաշտպանությունը և անհրաժեշտ քայլեր ձեռնարկում՝ քաղաքական, իրավական, և տնտեսական դաշտերում։ Տրանսպորտային նոր ուղիների ձևավորումն ու կապի հասանելիությունը կարևոր են ժողովրդի անվտանգության և տնտեսական աճի համար, եթե կատարվեն փոխադարձ շահերի և երկրների ինքնիշխանության ու տարածքային ամբողջականության հարգման շրջանակներում՝ առանց արտաքին միջամտության։

Իրանն առաջարկում է շարունակել կառուցողական համագործակցությունը Ադրբեջանի և Հայաստանի հետ՝ պաշտպանելու խաղաղությունը և տնտեսական զարգացումը տարածաշրջանում, ինչպես նաև համագործակցություն «3+3» մեխանիզմի շրջանակում»,- ասվում է հայտարարության մեջ։