ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը մասնակցել է «Ապագա» հիմնադրամի «Կրթությունից աշխատանք՝ մեկ քայլ» ծրագրի ամփոփիչ միջոցառմանը։

Ծրագրի նպատակն է ավարտական կուրսի ուսանողներին նախապատրաստել աշխատաշուկայի պահանջներին: Այն իրականացվում է ԿԳՄՍ, Ֆինանսների, Բարձր տեխնոլոգիական արդյունաբերության, Աշխատանքի և սոցիալական հարցերի նախարարությունների մասնակցությամբ:

Վերջին երկու տարում պիլոտային ծրագրով ավելի քան 40 ուսանող արդեն աշխատում է իր մասնագիտությամբ:

Արթուր Մարտիրոսյանը նշել է, որ «Կրթություն-աշխատաշուկա կապի ընդլայնումը կրթության զարգացման կարևոր գերակայություններից է, որն իրականացվում է տարբեր միջոցառումներով՝ աշխատանքային ուսուցումով, մասնագիտական կողմնորոշմամբ և որակավորումների վերանայումով: Կարևոր է, որ մասնավոր կառույցները նույնպես աջակցում են այդ քաղաքականությանը՝ ամրապնդելով կապերը աշխատաշուկայի հետ»:

Ուսանողները նաև ստանում են գիտելիքներից բացի գործնական փորձ կազմակերպություններում:

Ծրագրի իրականացումը, որն մեկնարկել է 2023 թվականին, նախատեսվում է աջակցել 4-րդ կուրսի ուսանողներին՝
— ստանալ ուսումնական տարվա վարձավճարի 80% փոխհատուցում,
— մասնակցել առաջատար կազմակերպությունների թոփ-մենեջերների 44 ժամյա դասընթացներին,
— ձեռք բերել պրակտիկա գործընկեր կազմակերպություններում,
— մասնակցության դեպքում ստանալ աշխատանք:

Ծրագիրն իրականացվում է բաց հայտարարության միջոցով, որտեղ ուսանողները մրցակցային հիմունքներով դիմում են թափուր աշխատատեղերին: Կազմակերպությունները դրսևորվում են որպես գործատու, ֆինանսավորող և դասընթացների աջակից:

Միջոցառման վերջում շնորհակալագրեր և վկայականներ են տրամադրվել դասընթացավարներին և ուսանողներին։