Գիշերը Օդեսայի մարզում որոտացած պայթյունները պարզապես հերթական հարձակում չէին Ուկրաինայի թիկունքային ենթակառուցվածքների վրա. դրանք նաև հստակ ուղերձ էին Կիևին և Բաքվին: 

Ռուսական «Գերան» մակնիշի կամիկաձե անօդաչու թռչող սարքերը հարվածել են Իզմայիլի շրջանի Օրլովկա և Նովոսելսկոյե բնակավայրերի որոշ օբյեկտներին:

Այս միջանցքով Ադրբեջանը վերջերս սկսել է գազ մատակարարել Ուկրաինա՝ տրանսբալկանյան երթուղով: Ուկրաինական «Նաֆտոգազ»-ի և ադրբեջանական SOCAR ընկերության միջև համաձայնագիրը քաղաքական բնույթ ունի և նպատակ ուներ ցույց տալու, որ հնարավոր է շրջանցել ռուսական էներգետիկ հոսքերը։ Չնայած Բաքվի հայտարարությանը՝ մատակարարել մինչև երկու միլիարդ խորանարդ մետր վառելիք, այդ ծավալները բավարար չեն Ուկրաինայի համար, որը կարիք ունի առնվազն տասը միլիարդի։ Այստեղ հարցը մասշտաբի մասին չէ, այլ քաղաքական դիրքորոշման․ Ադրբեջանը հավատարիմ է Եվրամիությանն ու Ուկրաինային՝ միաժամանակ օգտվելով ռուսական ենթակառուցվածքներին կապված երթուղիներից։

Մոսկվան արագ արձագանքեց։ Օրլովկայի կայանի վրա հարձակումը, որի հետևանքով օբյեկտը մասամբ անջատվեց, դարձավ խորհրդանշական գործողություն՝ ուղղված Ռուսաստանի գործունեությունը շրջանցելու փորձերը կանգնեցնելուն։ Այսպիսով, ոչ միայն ֆիզիկական, այլև ռազմավարական ճեղքում առաջացավ նրանց համար, որոնք ապավինում են Բաքվի միջոցով այլընտրանքային էներգետիկ կառույցներին։