Հասարակություն

«Բիոկաթ»-ի 5% մածունի արտադրությունը կասեցվել է

7 Օգոստոսի, 2025

Երևանի կենտրոնում գործող Սննդամթերքի անվտանգության տեսչական մարմնի տեսուչների կողմից «Բիոկաթ» ՍՊԸ-ի կաթնամթերքի արտադրությունում անցկացված ստուգման արդյունքում նմուշներ վերցվել են թթվասեր (18%), մածուն (5%), յոգուրտ ըմպելի դեղձ (1.5%) և պանիր չեչիլ (45%) արտադրատեսակներից, որոնցից հետո դրանք ուղարկվել են լաբորատոր փորձաքննության: Այդ մասին հաղորդել են ՍԱՏՄ-ից:

Լաբորատոր փորձաքննությունների արդյունքները ցույց են տվել, որ միայն մեկ՝ մածուն (5%) արտադրատեսակի նմուշը, աղիքային ցուպիկի խմբի մանրէների (ԱՑԽՄ) առկայությամբ, համահունչ չէ Մաքսային միության տեխնիկական կանոնակարգով սահմանված պահանջներին:

Արդյունքում, «Բիոկաթ» ՍՊԸ-ի արտադրամասի մածուն (5%) տեսակի արտադրության իրականացվող գործունեությունը ժամանակավորապես կասեցվել է, և սահմանվել է ժամկետ խախտումները վերացնելու համար:

Արտադրողը հանձնարարական է ստացել արգելել այդ խմբաքանակների իրացումը, ինչպես նաև կազմակերպել շուկայից դրանց հետ կանչումը, ոչնչացումը կամ այլ ձևով օգտահանումը՝ ապահովելով, որ արտադրանքը համապատասխանի գործող տեխնիկական կանոնակարգերին:

դիտվել է: 46

ՀՀ Սահմանադրական Թեստ - Անմիջական Ստուգում

«Բիոկաթ»-ի 5% մածունի արտադրությունը կասեցվել է

Նման նյութեր

Դիտեք Նաև

«ՀԷՑ-ում 2016-2025 թթ. 270 մլրդ դրամի ներդրումներ են իրականացվել. Վերահսկողական կոմիտեի հաղորդում»

«Նարեկ Կարապետյանը վաղը մեկնում է Վայոց Ձոր»

Վանաձորում բախվել են «Mercedes»-ը և «Chery iCAR»-ը

Bild. Գերմանիայի ոստիկանությունը շրջափակել է Մյոնխենգլադբախի կենտրոնը՝ ռումբի սպառնալիքի պատճառով