Լեհաստանը ևս 60 օրով՝ մինչև հոկտեմբերի 4-ը, երկարաձգել է սահմանային վերահսկողությունը Գերմանիայի և Լիտվայի հետ սահմաններին։ Այս մասին հայտնում են տեղական լրատվամիջոցները: Սահմանային վերահսկողության նոր որոշումը հաստատվել է ուրբաթ և ներկայացվել է Եվրահանձնաժողովին տեղեկացվածության համար։ Սա հայտարարել է Լեհաստանի ներքին գործերի նախարար Մարչին Կերվինսկին միջգերատեսչական նիստում։

Լեհաստանի ՆԳՆ ղեկավարը ընդգծել է, որ Լեհ-լիտվական սահմանը կարևոր է «անօրինական միգրացիայի արևելյան ուղիի փակման» հարցում։

«Մեր արգելապատնեշի 98%-անոց անթափանցելիությունը ստիպում է բելառուսական, ռուսաստանյան ծառայություններին և անօրինական միգրանտներին գտնել այլ ճանապարհներ», — նշել է նա։

Կերվինսկին ավելացրել է, որ Լեհաստանի սահմաններն անցնող միջոցների վերաբերյալ հետագա որոշումները կկայացվեն սեպտեմբերին՝ հետախուզության կողմից տրամադրված տվյալների հիման վրա։

Լեհ-գերմանական սահմանին ստուգումները սկսվել են հուլիսի 7-ին, ընդգրկելով 52 անցակետեր։ Նման միջոցներ իրականացվում են նաև Լիտվայի հետ սահմանին: Սկզբում պլանավորվում էր եզրափակել ստուգումները օգոստոսի 5-ին։

Սահմանը հատողների անձնագրերի և նույնականացման քարտերի ստուգումները շարունակվում են։ Լեհ սահմանապահները հատուկ ուշադրություն են դարձնում ավտոբուսներին, միկրոավտոբուսներին և մեծ խմբերի ուղևորներով մեքենաներին՝ շեշտելով նաև մգեցված ապակիներով մեքենաների ստուգումը։