Կոլումբիայի նախկին նախագահ Ալվարո Ուրիբեն մեղավոր է ճանաչվել վկաների խարդախություն կազմակերպելու և դատարանի նյութերը կեղծելու մեջ: Դատարանի որոշման համաձայն՝ նրան պատժել են 12 տարվա ազատազրկման, որը նա պետք է կրի տնային կալանքի պայմաններում:

Դատավոր Սանդրա Լիլիանա Հերեդիա Արանդայի կողմից հրապարակված որոշումը սահմանում է՝ Ուրիբեն կծառայի 144 ամսվա ազատազրկման, կվճարի 2420,5 նվազագույն ամսական աշխատավարձի չափով տուգանք և 100 ամիս արգելանք պետական պաշտոններում:

Ուրիբեն մեղավոր ճանաչվեց վկաների կաշառման և դատական նյութերը կեղծելու մեջ, իսկ դատարանը նրան արդարացրեց այլ երկու մեղադրանքներից՝ նախկին դատախազ Հիլդա Նինյոյի գործով և վկա Հարլինգտոն Մոսկերայի ցուցմունքով:

Դատավճիռը կատարվելու է տնային կալանքի ձևաչափով՝ համաձայն Կոլումբիայի քրեական օրենսգրքի 38B հոդվածի: Դրա համար Ուրիբեն ներկայացնելու է չորս նվազագույն աշխատավարձի չափով դրամական երաշխիք և կատարելու է պարտավորություններ՝ իր ազատազրկման պայմանների վերաբերյալ: Դատարանի որոշումով, Ուրիբեն պետք է անհապաղ անցնի տնային կալանքի՝ Անտիոքիա դեպարտամենտի Ռիոնեգրո քաղաքում իր բնակության վայրում:

Ալվարո Ուրիբեն, ով եղել է Կոլումբիայի նախագահ 2002-2010 թվականներին, շարունակում է մնալ երկրի քաղաքականության հեղինակավոր դեմքերից մեկը: Դատավճիռը կարող է բողոքարկվել: