Ամերիկյան ընտանիքների ավելի քան կեսը համոզված է, որ ԱՄՆ նախագահ Դոնալդ Թրամփի քաղաքականությունները պատասխանատու են իրենց ֆինանսական խնդիրների համար։ Այս մասին վկայում են Century Foundation-ի պատվերով Morning Consult ընկերության կողմից անցկացված հարցման արդյունքները։

«Ամերիկյան տնային տնտեսությունները դիմագրավում են տնտեսական դժվարություններին, և տասից վեց հարցված համաձայն է, որ Դոնալդ Թրամփի քաղաքականությունը նպաստում է իրենց ամենօրյա ծախսերի ավելացմանը»,- նշվում է հիմնադրամի կայքում հրապարակված հոդվածում։

Հարցման արդյունքների համաձայն՝ հարցվածների 61%-ը համակարծիք է, որ Թրամփի քաղաքականությունները բացասաբար են ազդում իրենց ամենօրյա ծախսերի վրա։ 29%-ը հակառակ կարծիք ունի, իսկ 10%-ը դժվարացել է պատասխանել։

Բացի այդ, ամերիկացիների մեծ մասը իրենց կենսապայմանների վատթարացման համար մեղադրում է միլիարդատերերին, խոշոր կորպորացիաներին և Կոնգրեսի հանրապետական անդամներին։ Վերջին մեկ տարվա ընթացքում ավելի քան 40% քաղաքացիներից ստիպված է եղել օգտվել իր խնայողական միջոցներից, սակայն 37%-ը ավելացրել է վարկային քարտերի օգտագործումը։ Շատերը վարկեր են վերցրել՝ հաշիվները վճարելու նպատակով, և յուրաքանչյուր չորրորդը նշել է, որ ինքը կամ ընտանիքի անդամներից մեկը մեկ ճաշ բաց է թողնել՝ գումար խնայելու համար։

Հարցումն անցկացվել է առցանց՝ 2025 թվականի հունիսի 5-9-ը, և ընդգրկել է 2007 գրանցված ընտրող։ Սխալի սահմանը կազմում է մոտակա ±2 տոկոսային կետեր։