ԵՄ արտաքին քաղաքականության նախկին ղեկավար Ժոզեպ Բորելը EUobserver-ին տված հարցազրույցում նշել է, որ Եվրահանձնաժողովի որոշումը, որը նախատեսում է Գազայում տեղի ունեցող իրադարձությունների ֆոնին Իսրայելի մասնակցությունը ԵՄ Horizon հետազոտական ծրագրից հեռացնելը, պարզապես «վատ կատակ» է։

«Եթե սա այն ամենն է, ինչ հանձնաժողովը կարող է անել Իսրայելին ի պատասխան, դա պարզապես կատակ է։ Վա՛տ կատակ։ Այդ որոշումը նույնիսկ ԵՄ անդամ պետությունները չեն հաստատել»,- ասել է Բորելը։

«Սա ամեն չէ, ինչ նրանք կարող են մտածել՝ հաշվի առնելով տեղի ունեցող իրավիճակը»,- հավելել է նա։

Հանձնաժողովի այս առաջարկը ուղղված է իսրայելական փոքր բիզնեսների կասեցմանը, որը ներառում է Եվրոպայի Խորհրդի արագացուցիչի միջոցով 10,1 միլիարդ եվրոյի հատկացում։

Ծրագրին Իսրայելի մասնակցությունը կասեցնելու որոշման դեմ քվեարկել են Հունգարիան, Ավստրիան, Բուլղարիան և Չեխիան։ Սակայն, եթե իրավիճակը չբարելավվի, ԵՄ-ի առաջին պատժամիջոցները Իսրայելի դեմ կարող են հաստատվել առաջիկա շաբաթներին։

Բորելի կարծիքով, այս որոշումը Իսրայելի առանցքային շահերին չի վնասում։

«Կարելի էր ավելի շատ գործ անել»,- շեշտել է Բորելը՝ առաջարկելով դադարեցնել Իսրայելի հետ առևտրային համաձայնագիրը, ինչը երկրին տարեկան մոտ 1 միլիարդ եվրոյի եկամուտ է բերում։

«Իսրայելական հասարակությունը պետք է զգալի գին վճարի՝ Արևմտյան ափում բնակություն հաստատած նորաբնակների գործողությունների հետևանքով»,- նշել է նա։ — «Ես հասկանում եմ, որ բոլոր իսրայելցիները պատասխանատու չեն, բայց նրանք թույլ են տալիս, որ դա տեղի ունենա»։

Բորելը նշել է նաև, որ այլ երկրների նկատմամբ, շատ ավելի փոքր հանցագործությունների պատճառով, ԵՄ-ն չեղարկել է վիզաները և պատժամիջոցներ կիրառել։

«Իրականությունն այն է, որ ԵՄ բազմաթիվ երկրներ պարզապես չեն ցանկանում պատժամիջոցներ կիրառել Իսրայելի նկատմամբ»,- ընդգծել է Ժոզեպ Բորելը։