Իսրայելը հայտնել է, որ իրականացրել է հարվածներ Լիբանանում գտնվող «Հըզբոլլահ»-ի օբյեկտներին, որոնք օգտագործվում էին հրթիռների արտադրության և պահպանման նպատակով։ Իսրայելը շարունակում է հարվածել չնայած նոյեմբերից սահմանված հրադադարին, հայտնում է Ֆրանսպրես գործակալությունը։

Իսրայելի պաշտպանության նախարար Իսրայել Կացը նշել է, որ թիրախներից մեկն այն օբյեկտն է, որտեղ արտադրվում են «Հըզբոլլահ»-ի ճշգրիտ հրթիռներ։ Զինվորականները հայտարարել են, որ հարվածներն ուղղվել են Լիբանանի հարավում և Բեքաա հովտի արևելքում գտնվող ենթակառուցվածքներին, որոնք օգտագործվում են ռազմավարական զենքերի արտադրության համար։

«Ահաբեկչական գործունեությունը վերականգնելու կամ սպառնալու ցանկացած փորձ կբախվի մեր հաստատակամ գործողություններին»,- ասել է Կացը։ Լիբանանի պետական լրատվական գործակալությունը NNA-ն նույնպես նշել է հարվածների մասին՝ տեղյակ պահելով Բեքաա և երկրի հարավ հատվածներին հասցված հարվածների մասին։

Ե՛վ Կացը, և՛ իսրայելական զինվորականները նկատել են, որ «Հեզբոլլահը» շարունակում է փորձեր կատարել իր ռազմական ենթակառուցվածքների վերականգնման ուղղությամբ և պահանջել են լիբանանյան բանակից զինաթափել շարժումը։

Լիբանանի նախագահ Ջոզեֆ Աունը ավելի վաղ հայտարարել է, որ «Հըզբոլլահը» պետք է վայր դնի իր զենքերը։