Հայաստանը ներկայացրել է անդամակցության հայտ Շանհայի համագործակցության կազմակերպությանը (ՇՀԿ), ինչին ակտիվորեն աջակցում է Չինաստանը՝ որպես ՇՀԿ նախագահող երկիր այս տարի։ Այս մասին հայտնել է Հայաստանում Չինաստանի դեսպան Լի Սինվեյը Չինաստանի ազգային-ազատագրական բանակի ստեղծման 98-րդ տարեդարձին նվիրված արարողության ժամանակ։

«Չինաստանի և Հայաստանի ժողովուրդները, լինելով հնագույն քաղաքակրթությունների փոխանցող, սրտաբաց ձգտում են խաղաղության։ 33 տարում դիվանագիտական հարաբերությունների հաստատումից ի վեր մեր երկրների հարաբերությունները զարգացել են կայուն և արդյունավետ ուղով՝ հիմնված միմյանց ինքնիշխանության ու տարածքային ամբողջականության նկատմամբ հարգանքի վրա»,- ընդգծեց դեսպանը։

Նա հավելեց, որ վերջին տարիներին բարձր մակարդակի շփումներն ու երկխոսությունը զգալիորեն ակտիվացել են։ «Նախագահ Սի Ծինփինը և վարչապետ Նիկոլ Փաշինյանը հանդիպումներ են ունեցել ԲՐԻԿՍ-ի գագաթնաժողովի և մայիսի 9-ի միջոցառումների ընթացքում։ Վերջերս էլ Հայաստանի արտաքին գործերի նախարար Արարատ Միրզոյանը այցելել է Չինաստան՝ հանդիպելով Չինաստանի արտաքին գործերի նախարար Վան Յին, որտեղ քննարկվել են երկկողմ համագործակցության խորացումը եւ մեր երկրների բարգավաճմանը նպաստող քայլերը»։