Եռաֆտորքացախաթթուն (TFA) բացառապես քիմիական սինթեզով ստացվող նյութ է և պատկանում է «հավերժական քիմիական նյութերի» դասին: Այս նյութը բնության մեջ չի հանդիպում նորմալ պայմաններում, սակայն հայտնաբերվում է արդյունաբերական խոշոր կենտրոնների մոտ:

Nature ամսագիրը, Գերմանիայի Դաշնային Հանրապետության կենսաբանների ուսումնասիրությունների վրա հիմնվելով, հայտնում է, որ այս նյութը այսօր հայտնաբերվում է աշխարհի տարբեր հատվածների նստվածքներում, ներառյալ հալվող արկտիկական սառցադաշտերում:

Մասնագետները նշում են, որ Գերմանիայում TFA-ի կոնցենտրացիան ծառերի տերևներում և ասեղներում հինգից տասը անգամ աճել է, հայտնում է Planet Today-ը: Նմանատիպ աճ է գրանցվել նաև կանադական արկտիկական սառցե կշեռքներում և Դանիայի ստորգետնյա ջրերում:

Մասնագետները ընգծում են, որ սա «մարդածին նյութ» է, որն այժմ հանդիպում է լճերի և գետերի ջրերում, շշալցված ջրում, սննդի մեջ, հացահատիկում, կենդանիների օրգաններում, և նույնիսկ մարդու արյան ու մեզի մեջ:

Գիտնականները դեռևս կոնսենսուսի չեն հասել TFA-ի վնասի վերաբերյալ, որը կարող է լինել մարդկանց և կենդանիների առողջության համար: Ընդհանուր առմամբ ընդունված է, որ փոքր կոնցենտրացիաներում այն լուրջ վնաս չի հասցնում: Սակայքան, քանի որ թթուն շրջակա միջավայրում կուտակվում է, վնասը կարող է աճել մոլորակի վրա ապրող կենդանի օրգանիզմների համար: