Սամվել Կարապետյանի ձերբակալության փորձը՝ ռևերանս Էրդողանին այցից առաջ:
Այսօր հայաստանյան քաղաքական կյանքում, վարչապետի աթոռը զբաղեցնողի Թուրքիա այցից առաջ, Էրդողանին եկեղեցու դեմ արշավից զատ տրվեց ևս մեկ հավատարմության երդում։
Այն է՝ քաղաքական հաշվեհարդարի հերթական ակտ։ Հայտնի բարերար, «Տաշիր Գրուպ»-ի հիմնադիր Սամվել Կարապետյանի նկատմամբ, ով տարիներ շարունակ ներդրումներ է կատարել Հայաստանի տնտեսության, մշակույթի և հոգևոր կյանքի մեջ։
Այսօր Սամվել Կարապետյանը հայտարարեց իր աջակցությունը Հայ Առաքելական Սուրբ Եկեղեցուն, հայոց հավատին և ինքնությանը։
Այդ հայտարարությունից ժամեր անց ՀՀ վարչապետի աթոռը զբաղեցնող Նիկոլ Փաշինյանի հրամանով փորձեցին նրան ձերբակալել։
Սակայն ոսոխը, տեսնելով Սամվել Կարապետյանի տան դիմաց հավաքված ժողովրդին, ճողոպրեց։
Սա շարունակությունն է 2023 թվականին սկսված քաղաքական հետապնդումների շղթայի, որն ուղղված էր «Հանրային Ձայն» կուսակցության, նրա առաջնորդի և ընտանիքի դեմ։
Այդ ժամանակ էլ հայտարարում էինք՝ եթե չկանգնեցնենք թուրքերի կողմից համակարգվող քաղաքական տեռորը, ապա այն կշարունակի տարածվել և կդառնա համատարած։
Այսօր, ցավոք, տեսնում ենք դրա դաժան հաստատումը։
Քաղաքապետի ընտրություններից առաջ իշխանության հրամանով կազմակերպվեց աննախադեպ արշավ «Հանրային Ձայնի» դեմ՝ սրբապղծությամբ, զրպարտությամբ և հակահայկական բնույթով։
Այս արշավի կազմակերպիչները ներսից ծառայում էին թուրքական շահերին՝ գործելով որպես իրական “թուրքական շներ”, ոչնչացնելով ազգային ինքնությունը, հավատը և ազգային արժեքները։
Այդ գործողությունները հասան իրենց նպատակի՝ ժողովրդին մոլորեցնել, վախեցնել և լռեցնել։
Այդ արշավից հետո 100-ից ավելի ընդդիմադիր գործիչներ ենթարկվեցին ձերբակալությունների և քաղաքական հետապնդումների։
Այսօր արդեն այդ նույն ձեռագիրը կրկնվում է, բայց այս անգամ թիրախում է Հայաստանի խոշորագույն բարերարներից մեկը։
Սամվել Կարապետյանը՝ այն մարդը, որի միջոցներով կառուցված տանն ապրում է այսօրվա վարչապետի աթոռը զբաղեցնողը, դարձել է իշխանության թիրախ։
«Հանրային Ձայն» կուսակցությունը հայտարարում է, որ տեղի ունեցողը անբարոյականություն է և հարված ազգային արժեքներին։
Մենք չենք դիտարկում սա միայն որպես մեկ անձի դեմ ուղղված գործողություն։
Սա հարված է ամբողջ հայ ժողովրդին, մեր հավատքին, մեր ազգային ինքնությանը։
Այս պահին մեր աջակիցները գտնվում են Սամվել Կարապետյանի տան մոտ՝ պաշտպանելով ոչ միայն բարերարին, այլ նաև հայության արժանապատվությունը և հոգևոր ժառանգությունը։
Մենք կոչ ենք անում՝
Միջազգային հանրությանը՝ ուշադրություն դարձնել Հայաստանում շարունակվող քաղաքական հետապնդումներին։
Բոլոր առողջ ուժերին՝ միավորվել և կանգնել ազգային արժեքների կողքին։
Իշխանություններին՝ դադարեցնել քաղաքական հաշվեհարդարը, որը վտանգում է երկրի կայունությունն ու միասնությունը։
Քաղաքական տեռորը պետք է կանգ առնի։ Հիմա։
Հանրային Ձայն կուսակցություն