Ռուսաստանի արտաքին գործերի նախարար Սերգեյ Լավրովը հուլիսի 10-ին հանդիպել է ԱՄՆ-ի պետքարտուղար Մարկո Ռուբիոյի հետ՝ Կուլալա Լումպուրում կայացած Հարավարևելյան Ասիայի երկրների ասոցիացիայի (ԱՍԵԱՆ) գագաթնաժողովի շրջանակներում: Կողմերը քննարկել են Ուկրաինայում ստեղծված իրավիճակը: Հանդիպման արդյունքում Ռուսաստանի ԱԳՆ-ն հայտարարել է, որ նախարարները հաստատել են հակամարտության խաղաղ լուծումների որոնման «փոխադարձ պատրաստակամությունը»:

Ռուսաստանի ԱԳՆ-ի հայտարարության համաձայն՝ բացի Ուկրաինայի հարցից, բանակցությունների ժամանակ քննարկվել են Իրանում ու Սիրիայում իրավիճակը, ինչպես նաև ԱՄՆ-ի ու Ռուսաստանի միջև տնտեսական համագործակցությունը: Նշվում է, որ տեղի է ունեցել շահավետ ու մանրամասն փոխանակում, որից հետո կողմերը որոշել են շարունակել «կառուցողական և փոխադարձ հարգանքով լի երկխոսությունը» արտաքին գործերի նախարարությունների մակարդակով:

Ռոյթերս լրատվական գործակալության տվյալներով՝ Մարկո Ռուբիոն իր զրույցը Ռուսաստանի արտաքին քաղաքականության ղեկավարի հետ բնութագրել է որպես «ազնիվ և կարևոր»: Նրա խոսքերով՝ ԱՄՆ նախագահ Դոնալդ Թրամփը հիասթափված է Ռուսաստանի «ոչ ճկունությունից»: «Մենք պետք է Ուկրաինայում հակամարտության ավարտի հստակ տեսլական ներկայացնենք», ընդգծել է Ռուբիոն:

Սա Սերգեյ Լավրովի և Մարկո Ռուբիոյի երկրորդ անձնական հանդիպումն է: Նախկինում նրանք խոսել են փետրվարին Սաուդյան Արաբիայի մայրաքաղաք Էր Ռիադում կայացած ռուս-ամերիկյան խորհրդատվությունների ընթացքում: Բացի այդ, երկու երկրների արտաքին գործերի նախարարները հեռախոսային զրույցներում քննարկել են Ուկրաինայում իրավիճակը և Ռուսաստան-ԱՄՆ հարաբերությունների կարգավորման ուղիները:

Ինչպես հայտնի է, Ռուսաստանի նախագահ Վլադիմիր Պուտինը հուլիսի 3-ին հեռախոսազրույց է ունեցել ամերիկացի գործընկերոջ՝ Դոնալդ Թրամփի հետ, որից հետո վերջինս հիասթափություն է արտահայտել «բացարձակ» առաջընթացի բացակայությունից: Այդ ժամանակ Սպիտակ տան ղեկավարը կոչ է արել Կրեմլին անհապաղ դադարեցնել զինված գործողությունները, սակայն Պուտինը կրկին հայտարարել է, որ մտադիր է վերացնել հակամարտության «արմատական պատճառները»:

Associated Press-ի տվյալներով՝ ԱՄՆ-ը մասամբ վե